САМАРАЛИ ХИЗМАТНИНГ МУНОСИБ ЭЪТИРОФИ

11:12, 29.10.2018
САМАРАЛИ ХИЗМАТНИНГ МУНОСИБ ЭЪТИРОФИ

Тинчлик-осойишталикни сақлаш йўлида фидойилик билан қилинган хизмат ҳеч қачон эътиборсиз қолмайди. Чунки халқ манфаати, фуқароларнинг фаровон яшаши учун заҳмат чекиб, тунларни бедор ўтказиш қанчалик машаққатли бўлса, шунчалик шарафли ҳамдир.



Бухоро вилояти ИИБда бўлиб ўтган тадбирда бошқарма ППХ ва ЖТСБ бошлиғи, полковник Шуҳрат Самадов ҳамда ЭКБ бошлиғи, подполковник Латиф Пўлатов нафақага кузатилар экан, уларнинг ана шундай фидойилик билан қилган хизматлари эътироф этилди.

Тадбирда ИИВ Эксперт-криминалистика бош маркази бошлиғи, полковник Наил Галипшин, вилоят ИИБ бошлиғи, полковник Шуҳрат Алиев ва турли соҳавий хизматлар раҳбарлари ҳамда шахсий таркиби иштирок этди. Сўзга чиққанлар эндиликда фахрийлар сафидан жой олаётган ходимларнинг фаолияти, эришган ютуқлари ҳақида гапириб, бу ёшларга доимо ибрат бўлиши лозимлигини таъкидлади.

Қашқадарё вилоятининг Шаҳрисабз туманида туғилиб ўсган Шуҳрат Самадов Бухоро давлат университетини тамомлаб, ички ишлар органларига хизматга киргач, дастлаб Тошкент вилояти ИИБ ўқув маркази тингловчиси бўлди. Фаолиятини 1996 йилда Бухоро вилояти ИИБ Жамоат тартибини сақлаш хизмати профилактика бўлинмасининг вояга етмаганлар иши бўйича инспекцияси инспектори лавозимида бошлади. Тезкор вазиятларда муҳим ва тўғри қарор қабул қилиши, фидойи ва ташаббус­корлиги билан раҳбарият эътиборига тушган ходим мансаб пиллапояларидан тезда кўтарилиб борди. Бухоро шаҳар ИИБ бошлиғининг ёрдамчиси, Тўқимачилик тумани ИИБ бошлиғининг ўринбосари ва бошқа турли раҳбарлик лавозимларида хизмат қилди.

Вилоят ИИБ ППХ ва ЖТСБ бош­лиғи этиб тайинлангач, ҳудудда жиноятчиликнинг олдини олиш, содир этилганларини фош этиш, жамоат тартибини сақлаш каби вазифаларни уддалар экан, соҳага қадам қўйган ёш ходимларни ҳам тарбиялаб, уларга хизмат сир-­асрорларини пухта ўргатди. Бугунги кунда унинг кўплаб шогирдлари устозидан миннатдор бўлиб, самарали хизмат қилиб келишяпти.

Бухоро вилояти ИИБ Эксперт-криминалистика бўлими бошлиғи лавозимидан фахрийлар сафига кузатилган, истеъфодаги подполковник Латиф Пўлатов эса Бухоро шаҳрида таваллуд топган. Олий ўқув юртини тамомлаб, ички ишлар органларидаги хизмат фаолиятини Ф. Хўжаев тумани ИИБда бошлаган. Унинг ўз устида ишлаши, интилувчанлиги ва ташаббускорлиги доимо сафдошларига ўрнак бўларди. Турли лавозимларда хизмат қилиб, ўзига юклатилган вазифаларни яхши уддалар, бу эса раҳбарлар эътиборидан четда қолмас эди. Вилоятнинг ўша пайтдаги Файзулла Хўжаев тумани ИИБ ЭКГ эксперти лавозимига тайинланганда, мазкур соҳанинг синчковлик талаб этишини, ҳар бир заррани жиддий эътибор билан кўздан кечириш лозимлигини чуқур ҳис этди. Ўз ишига маъсулият билан ёндашиб, соҳа сирларини пухта ўзлаштирди. Ҳудудда содир этилган жиноятлар унинг саъй-ҳаракати билан тезда фош этилар, воқеа жойидан олинган ашёвий далилларни текшириш, тегишли хулосалар чиқаришда унга тенг келадигани топилмасди.

Кейинчалик вилоят ИИБ ЭКБ бошлиғининг ўринбосари – махсус тадқиқотлар ва криминалистик қуролларни қўллаш, татбиқ қилиш бўлинмасига бошлиқ бўлди. Унинг эл-юрт осойишталигини сақлаш, жиноятларни қисқа фурсатда фош этиш йўлидаги самарали хизматлари беиз кетмади. Ўзбекистон Республикаси Президентининг 2013 йил 23 октябрдаги фармонига асосан, «Шуҳрат» медали билан тақдирланди.

Кузатув маросимида ИИВ Эксперт-криминалистика бош маркази бошлиғи, полковник Н. Галипшин, унинг биринчи ўринбосари, подполковник Ш. Юлдашев, вилоят ИИБ бошлиғи, полковник Ш. Алиевлар сўзга чиқиб, халқимиз осойишталиги йўлида кўп йиллик самарали хизматлари учун уларга миннатдорлик билдирдилар. Шунингдек, нафақага кузатилаётганларнинг хизматда эришган ютуқлари ҳақида тўхталиб, уларнинг бой ҳаётий тажрибалари ёш ходимларга ибрат бўлишини таъкидлашди.

Анъанага кўра, фахрийларга тўн кийдирилиб, эсдалик совғалари топширилди. Ўз навбатида, улар ҳам юрт осойишталигини таъминлаш йўлида хизмат қилганидан чексиз ғурурда эканини таъкидлаб, бундай ғамхўрлик ва эътибор учун вазирлик ҳамда вилоят ИИБ раҳбариятига, ҳамкасбларига миннатдорлик билдиришди.

 

Иномжон РАҲИМХЎЖАЕВ,

лейтенант.

Ўхшаш мақолалар

Ҳаммасино кўриш►

6

Сонларни танлаш

19 январ, Шанба  
6 5 4 3 1

Ҳаммасини кўриш ►

Хабарлар

БАЙРАМНИ ЯНГИ УЙДА НИШОНЛАШДИ

Ўзбекистон Республикаси Президентининг 2017 йил 10 апрелдаги фармони ҳамда Вазирлар Маҳкамасининг тегишли қарорига мувофиқ, ички ишлар органлари ходимларини арзон уй-жойлар билан таъминлашга қаратилган чора-тадбирлар белгилаб берилди.


Ҳаммасини кўриш ►
Полковник Кадиров Дониёр Бахтиёрович – ИИВ Транспортда жамоат хавфсизлигини таъминлаш бошқармаси бошлиғи лавозимига

Кўп ўқилганлар

  • СИЗ ЭМАСМИ, МАЪРИФАТНИ ЮРАГИМГА ЮҚТИРГАН...


    Ярим кечаси ишдан уйига қайтаётган профилактика инспектори тўртта қўйни ҳайдаб келаётган ўсмирни кўриб, унинг кимлиги, қаерда яшаши, қўйларни қаёққа олиб кетаётгани билан қизиқди.

    ✔ 6    🕔 12:54, 21.01.2019
  • Ҳарбийларнинг «собиғи» бўлмайди


    Жазони ижро этиш муассасасидан уч нафар маҳкум қочгани тўғрисидаги хабар ходимларни оёққа турғизди. Маълум бўлишича, оғир жиноят содир этган бу маҳкумлар муассасадан чиқиндиларни олиб чиқиб кетувчи трактор орқали қочишган.


    ✔ 4    🕔 12:14, 21.01.2019
  • ФИДОЙИ ХИЗМАТ ЭЪТИРОФИ


    Ички ишлар органларини тезкор ахборотлар бошқармасисиз тасаввур қилиб бўлмайди. Бу бошқармада ўз касбининг усталари жуда кўп. Подполковник Марат Юлдашевнинг ички ишлар органларидаги фаолияти ана шу хизмат билан боғлиқ.

    ✔ 36    🕔 12:10, 14.01.2019
  • ЭЗГУЛИК ҚУЁШИ СЎНМАСИН


    Пойтахтимизнинг Сергели тумани «Маданият» маҳалла фуқаролар йиғинида эл-юрт дарди билан яшайдиган, шу йўлда тиниб-тинчимайдиган бир отахон умргузаронлик қилишини эшитиб, у киши билан суҳбатлашиш мақсадида йўлга тушдик. 

    ✔ 26    🕔 12:09, 14.01.2019
  • ВАТАН ХИЗМАТИГА БАХШИДА УМР


    Хонадон соҳиби бизни илиқ қарши олди, унинг рафиқаси эса самимий табассум билан тузалган дастурхонга таклиф этди. Бир пиёла чой устида Ўзбекистон Республикаси ИИВ Қоровул қўшинларида узоқ йиллар давомида фидокорона хизмат қилган ва кўплаб шогирдларни тарбиялаган истеъфодаги полковник Реваз Биченовнинг ҳикоясини тингладик.


    ✔ 42    🕔 13:09, 07.01.2019
  • ЮЗЛАРИДАН НУР, СЎЗЛАРИДАН ДУР ЁҒИЛАДИ


    Свердловск ёнғин хавфсизлиги билим юртини тамомлаган лейтенант Қобул Полвоновни Қашқадарё вилоятининг Қарши шаҳридаги тергов ҳибсхонасига хизматга юборишди. 

    ✔ 49    🕔 10:47, 04.01.2019
Ҳаммасини кўриш ►
;