ЁШ БЎЛСА-ДА, ЖАСОРАТЛИ ХОДИМ

10:42, 05.11.2018
ЁШ БЎЛСА-ДА, ЖАСОРАТЛИ ХОДИМ

Йигирма биринчи март. Ушбу баҳорги тенгкунликда анъанага кўра, халқ сайиллари бўлиб ўтди. Хиёбондаги фаввора ёнида 19 ёшли Мақсуджон севган қизини кутиб турарди. Аммо узоқ кутилган учрашув амалга ошмади.  



Малика ҳақидаги ўйлар уни тинч қўймасди. Кеч тушишини кутган йигит маҳбубаси билан учрашиш мақсадида Қўшработ туманидаги Қамаровул қишлоғи томон ошиқди.

Ярим тунда эшик тақиллаганини эшитган қизнинг отаси Ўткир ака дарвозани очишга шошилди. Унинг юрагини ваҳима босди: бемаҳалда ким келиши мумкин?

– Ким у? – сўради Ўткир ака.

– Бу мен – қўшнингиз Мақсудман, – ҳаяжон билан жавоб қайтарди йигит.

Қизнинг отаси унинг овозини таниб, дарвозани очди.

Чақирилмаган меҳмоннинг қўлидаги пичоққа кўзи тушган Ўткир ака шошиб қолди. Қўшнисининг кўзларида қўрқувни кўрган Мақсуд дарҳол режасини амалга оширишга ўтди. Мезбонга пичоқ билан хезланиб, агар қизини унга турмушга бермаса, ўлдиришини айтиб қўрқитди. Ташқаридаги шовқиндан Малика ва унинг онаси уйғониб кетади. Она-бола ҳовлига югуриб чиқиб, тунги меҳмонни зарарсизлантиришга уринишди. Йигит ғазаб ўтида қиз ва унинг онасини пичоқ билан жароҳатлади. Содир этган иши учун жазога тортилишини англаб етган жиноятчи ҳодиса жойидан қочиб кетди... 

Тергов-тезкор гуруҳи аъзолари жиноят жойига етиб келишди. Мақсуд бир неча кун тоғли жойларда беркиниб юрди.

Капитан Акмалжон Ғаниев ҳаётини хавф остига қўйиб бўлса-да, жиноятчини қўлга туширди. Унинг бу мардлиги муносиб баҳосини олди. Ички ишлар идоралари ходимлари куни арафасида вилоят ИИБ ЖҚБ тезкор вакили, капитан Акмалжон Ғаниев Президентимиз фармонига кўра, «Жасорат» медали билан тақдирланди.

– Давлатимизнинг юксак мукофотига сазовор бўлиш жуда катта бахт, – дейди мақоламиз қаҳрамони. – Хушхабарни, аввало, менга ишонч билдирган ва муваффақиятларим билан фахрланган онамга етказдим. Давлатимиз раҳбари томонидан имзоланган фармон эълон қилинган заҳоти акам – Актам Ғаниев қўнғироқ қилиб табриклади. У ҳам мен каби ички ишлар органларида хизмат қилади.  

Таъкидлаш жоизки, жорий йилнинг ўтган тўққиз ойи давомида вилоят бўйича содир этилган 37 та қотилликнинг олтитаси капитан А. Ғаниевнинг бевосита саъй-ҳаракати билан фош этилган.

– Акмалжон Ғаниев ички ишлар органларидаги хизмат фаолияти давомида ўзини ижобий томондан  кўрсатиб келади, – дейди вилоят ИИБ бошлиғининг биринчи ўринбосари, подполковник Фарҳод Ҳасанов. – Эсимда, февраль ойида А. Ғаниевнинг зиммасига Тайлоқ туманида отанинг ўз ўғли томонидан ўлдирилиши билан боғлиқ жиноятни фош этиш топшириғи юклатилди. Албатта, жиноят ишини очишда бошқа тезкор вакиллар ҳам иштирок этди, аммо айнан А. Ғаниев гумон қилинувчи билан суҳбатлашиб, унга ашёвий далилларни тақдим этади. Терговни чалғитиб, турли хил кўрсатмалар бериб юрган гумон қилинувчи охири айбини тан олди...

– Болалик чоғларимиз онам биз, ака-укаларни келажакда хизмат кийимида кўришни исташини айтарди, – дейди капитан
А. Ғаниев. – Унинг орзусини амалга оширганимиздан хурсандман. Ахир оналар ўз фарзандига бутун қалб қўрини бахш этади. Шу боис уларнинг меҳру муҳаббати бизга куч бағишлайди.

Замира БОЛТАЕВА.

Самарқанд вилояти.

Муаллиф олган сурат.

Ўхшаш мақолалар

Ҳаммасино кўриш►

6

Сонларни танлаш

19 январ, Шанба  
6 5 4 3 1

Ҳаммасини кўриш ►

Хабарлар

БАЙРАМНИ ЯНГИ УЙДА НИШОНЛАШДИ

Ўзбекистон Республикаси Президентининг 2017 йил 10 апрелдаги фармони ҳамда Вазирлар Маҳкамасининг тегишли қарорига мувофиқ, ички ишлар органлари ходимларини арзон уй-жойлар билан таъминлашга қаратилган чора-тадбирлар белгилаб берилди.


Ҳаммасини кўриш ►
Полковник Кадиров Дониёр Бахтиёрович – ИИВ Транспортда жамоат хавфсизлигини таъминлаш бошқармаси бошлиғи лавозимига

Кўп ўқилганлар

  • ФИДОЙИ ХИЗМАТ ЭЪТИРОФИ


    Ўзбекистон Республикаси Президентининг 2019 йил 11 январдаги «Ватан ҳимоячилари куни ва Ўзбекистон Республикаси Қуролли Кучларининг 27 йиллиги муносабати билан ҳуқуқни муҳофаза қилиш органлари ходимлари ва ҳарбий хизматчилардан бир гуруҳини мукофотлаш тўғрисида»ги Фармонига мувофиқ ички ишлар органларининг қуйидаги ходимлари ҳам давлатимизнинг орден ва медаллари билан тақдирланди.


    ✔ 7    🕔 12:34, 21.01.2019
  • МИЛЛИЙ АРМИЯ ВА ХАЛҚИМИЗ ҚАНЧА ЯҚИН,  БИР ТАНУ БИР ЖОН БЎЛСА, ШУНЧА ҚУДРАТЛИ БЎЛАДИ


    Ўзбекистон Республикаси Президентининг фармонларига мувофиқ, Ватан ҳимоячилари куни ва Ўзбекистон Республикаси Қуролли Кучларининг 27 йиллиги муносабати билан бир гуруҳ ҳарбий хизматчилар, ҳуқуқни муҳофаза қилиш органлари ходимлари ҳарбий унвонлар, орден ва медаллар билан тақдирланди. 


    ✔ 9    🕔 12:33, 21.01.2019
  • УНВОН МУБОРАК, АЗИЗ ҲАМКАСБЛАР!


    Юртимиз тинчлик-осойишталигини сақлаш, жамоат тартиби ҳамда хавфсизлигини таъминлашга қўшган муносиб ҳиссаси ҳамда Ўзбекистон Республикаси Қуролли Кучлари ташкил этилганининг 27 йиллиги ва Ватан ҳимоячилари куни муносабати билан қуйидаги ходимларга навбатдаги «полковник» махсус ва ҳарбий унвони берилди.


    ✔ 9    🕔 12:32, 21.01.2019
  • АҲДИГА СОДИҚ ХОДИМЛАР


    Кенг жамоатчилик Сирдарё вилоятининг Гулистон шаҳрида бир гуруҳ ёшлар томонидан содир этилган жиноят тафсилотларини эшитиб ёқа ушлашди. 

    ✔ 85    🕔 13:22, 24.12.2018
  • БАРЧА ЖАБҲАДА ИЛҒОР


    Юртимиз тинчлик-осойишталигини таъминлаш, уни ҳар қандай хавф-хатардан ҳимоя қилишдек шарафли вазифани виждонан бажариб келаётган Ватан ҳимоячилари талайгина. 

    ✔ 58    🕔 12:36, 24.12.2018
  • ХАЛҚ ИШОНЧИ –  ОЛИЙ МУКОФОТ


    — Болалигим Жиззах шаҳрининг Сайхон маҳалласида кечган, — дейди Илҳом Эшмуродов. — Ички ишлар органлари ходимлари тўғрисидаги бадиий фильмлар таъсирида соҳада ишлаш орзуси пайдо бўлган. Шу мақсадда спортнинг каратэ тури билан шуғулландим.

    ✔ 104    🕔 11:37, 10.12.2018
Ҳаммасини кўриш ►
;