1. Бош саҳифа
  2. Хотира

ЭЗГУ ИШЛАР УНУТИЛМАС

12:34, 12.11.2018
ЭЗГУ ИШЛАР УНУТИЛМАС

Шундай инсонлар бўладики, умрининг ҳар бир лаҳзасини эзгу ишларга сарфлаб, тоабад халқ қалбидан жой олади. 

Ўзбекистон Республикаси ИИВ тизимидаги тиббиёт хизматини ривожлантиришга улкан ҳисса қўшган, вазирлик Тиббиёт бошқармаси ташкил этилишининг ташаббускорларидан бири полковник Рауф Холматов ҳаёт бўлганида 100 ёшни қаршиларди. Аммо у киши хайрли ишлари, эзгу амаллари билан доимо шогирдлари қалбида яшамоқда ва бошлаган барча ишлари изчил давом эттириляпти.

Рауф Холматов ўрта мактабни тамомлагач, пойтахт­даги қишлоқ машинасозлиги техникумини тугаллаб, 1937–1938 йилларда Тошкент қишлоқ хўжалиги машинасозлиги заводида меҳнат қилади. Орадан маълум вақт ўтгач, Тошкент давлат тиббиёт инс­титутида таҳсил олади ва 1942 йилдан ички ишлар органлари тизимида хизматни бошлайди.

Ички ишлар халқ комиссарлиги Фарғона вилояти бошқармаси санитария қисми инспектори, Ички ишлар халқ комиссарлиги Хўжалик бошқармаси санитария бўлими катта инспектори, 2-сонли полик­линикаси бошлиғи, Хўжалик бошқармаси санитария бўлими бошлиғи, Тиббиёт хизмати бошлиғи каби лавозимларда самарали хизмат қилди. У кишининг фидойилиги, ҳар бир ишга масъулият билан ёндашишини шогирдлари доимо юксак ҳурмат билан тилга олади.

Раҳбарлик лавозимларида хизмат қилган кезларида ҳам ёшларни фидойи, мард ва жасур қилиб тарбиялашга муносиб ҳисса қўшди. Жамоат тартибини сақлаш вазирлиги стацио­нари бошлиғи, Тиббиёт бўлими бошлиғи лавозимларида хизмат қилиб, соҳада кўплаб ижобий ўзгариш­ларни амалга оширган Рауф Холматов Ички ишлар вазирлиги Тиббиёт бош­қармаси бошлиғи лавозимидан истеъфога чиқади. У хизмат фаолияти давомида «Ўзбекистонда хизмат кўрсатган соғлиқни сақлаш ходими» фахрий унвони, «Ҳурмат белгиси» ордени ва ИИВнинг қатор кўкрак нишонлари билан тақдирланган.

Яқинда ИИВ Тиббиёт бошқармасида Р. Холматов таваллудининг 100 йиллигига бағишлаб учрашув ташкил этилди. Унда бошқарма раҳбарияти ва шахсий таркиби, соҳа фахрийлари иштирок этди. Бошқарма бошлиғи, майор Шуҳрат Нишанов тадбирни очаркан, ўзбек халқининг ўлмас анъаналаридан бири бўлган устозларни эъзоз­лаш, ўтганларининг порлоқ хотирасини доимо дилда сақлаб, улардан ўрнак олиш кишини юксак чўққиларга олиб чиқувчи омил эканини таъкидлади.

 Тадбирда соҳа фахрийлари истеъфодаги полковник Ринат Равшанов ва истеъфодаги подполковник Тамара Миронова сўзга чиқиб, Рауф Холматовнинг Ички ишлар вазирлиги тизимида тиббиёт хизматини ташкил этиш борасида амалга оширган ишлари, хусусан, поликлиникалар, стационарлар, ҳарбий-тиббий комиссиялар, санитария-эпидемиология хизматини ташкил этиш, уларнинг моддий-техника таъминотини ривожлантириш ҳамда кадрларни тайёрлаш каби хайрли ишлари ҳақида фикр-мулоҳазалар билдиришди.

Тадбир сўнгида иштирокчиларга Рауф Холматовнинг ҳаёти ва фаолиятига оид эсдаликлардан иборат видеоролик тақдим этилди. Мазкур учрашув, айниқса, ёш ходимларда унутилмас таассурот қолдирди.

 

Иномжон РАҲИМХЎЖАЕВ,

лейтенант.

Ўхшаш мақолалар

Ҳаммасино кўриш►

71

Сонларни танлаш

08 декабр, Шанба  
71 70 69 68 67 66 65
64 63 62 61 60 59 58
57 56 55 54 53 52 51
50 49 48 47 46 44 43
42 41 40 39 38 37 36
35 34 33 32 31 30 29
28 27 26 25 24 23 22
21 20 19 18 17 16 15
14 13 12 11 10 9 8
7 6 5 4 3 2 1

Ҳаммасини кўриш ►

Хабарлар

БОШ ҚОМУСИМИЗ – ФАРОВОН ҲАЁТИМИЗ АСОСИ

Тошкент вилояти ИИБда Конституциямиз қабул қилинган кун муносабати билан тадбир бўлиб ўтди.



Ҳаммасини кўриш ►

Кўп ўқилганлар

  • Сарҳадларда мудом сергакмиз


    Халқимизда хотиржам яшамоқчи бўлсанг, деворингни мустаҳкам қил, деган нақл бор. Давлатнинг девори эса сарҳадлар ҳисобланади. Чегараларда хотиржамлик, осойишталик ҳукм суриб, турли бузғунчилик ҳаракатларидан холи бўлса, демак, сарҳадлар мустаҳкамдир.

    ✔ 27    🕔 12:08, 03.12.2018
  • МАНГУ ҚЎШИҚ КАБИ ЯНГРОҚ


    эсар Жайҳун шамоллари

    Шеърлар бўладики, улар ўз шоиридан бир неча баробар узун умр кўради. Ўзбекистон Қаҳрамони, Ўзбекистон ва Қорақалпоғистон халқ шоири, Ибройим Юсуповнинг қалб қўрида тобланган, соҳир қаламидан тўкилган назмий сатрлар ана шундай умрбоқий асарлардир. 

    ✔ 66    🕔 12:41, 12.11.2018
  • ЭЗГУ ИШЛАР УНУТИЛМАС


    Шундай инсонлар бўладики, умрининг ҳар бир лаҳзасини эзгу ишларга сарфлаб, тоабад халқ қалбидан жой олади. 

    ✔ 53    🕔 12:34, 12.11.2018
  • ОТ ЎРНИНИ ТОЙ БОСАР


    Хотира ва қадрлаш халқимизга хос, миллий ўзлигимиз, урф-одатларимиз билан чамбарчас боғлиқ муқаддас тушунчалардир. Мен бу сўзларнинг амалдаги ифодасини ҳаётимда кўриб, она Ватан, оила деган муқаддас даргоҳга доғ туширмасликка, кексаларга ҳурмат, ёшларга дилкаш бўлишга уринаман. Тинч ва осо­йишта кечаётган ҳар бир кунимизга шукур қиламан. Бунда менга турмуш ўртоғим Алиқул Сафаровнинг порлоқ хотираси, ёди ҳамиша қанот бўлмоқда.


    ✔ 106    🕔 11:29, 29.10.2018
  • НОМИНГ БАРҲАЁТ, МАРД ЎҒЛОН!


    Мамлакатимизда турли миллат ва элат вакиллари билан аҳил-иноқликда умргузаронлик қилиб келмоқда. Истиқлол йилларида диний қадриятларимиз, асрий анъаналаримизнинг қайта тикланиши турли динга мансуб фуқароларимизнинг ҳам эмин-эркин ибодат қилишларига имкон яратди. Диний эркинлик­ларга кенг йўл очилди.

    ✔ 106    🕔 11:28, 29.10.2018
  • «СЕВИМЛИ ИШИНГ БИЛАН ШУҒУЛЛАНСАНГ, БАХТЛИ ИНСОНСАН!»


    Инсон ҳаётда шундай яшамоғи керакки, токи оламдан ўтганидан кейин ҳам унинг эзгу амал­ларини одамлар эслаб юрсин. Генерал-лейтенант 

    БУРХОН СИРОЖИДДИНОВ бу ёруғ оламни тарк этганига қанча йиллар ўтган бўлса-да, ҳали-ҳануз одамлар хотирасида барҳаёт, оила аъзолари у билан фахрланишади.


    ✔ 236    🕔 13:01, 15.10.2018
Ҳаммасини кўриш ►
;