ТАДБИРКОРЛАР ҲУҚУҚЛАРИ ИШОНЧЛИ ҲИМОЯ ОСТИДА

12:46, 12.11.2018
ТАДБИРКОРЛАР ҲУҚУҚЛАРИ ИШОНЧЛИ ҲИМОЯ ОСТИДА

Ўзбекистон Республикаси Олий суди томонидан БМТ Тараққиёт дастури, ЕХҲТнинг Ўзбекистондаги лойиҳалари координатори ва АҚШ Халқаро тараққиёт агентлиги ҳамкорлигида ташкил этилган давра суҳбати «Тадбиркорлик фаолияти субъектлари ҳуқуқларининг суд томонидан ҳимоя қилиниши: Ўзбекистон тажрибаси ва хориж амалиёти» мавзусига бағишланди.



Давра суҳбатида Олий Мажлис Сенати ва Қонунчилик палатаси, «Тараққиёт стратегияси» маркази, Адлия вазирлиги ҳузуридаги Давлат хизматлари агентлиги, Савдо-саноат палатаси, Ҳакамлик судлари ассоциацияси вакиллари, судья ва адвокатлар, йирик корхоналар раҳбарлари, шунингдек, Россия, Австрия, Франция ва АҚШдан ташриф буюрган хорижий экспертлар иштирок этди. Сўзга чиққан меҳмонлар ўз юртидаги суд тизими фаолияти ва маъмурий судларда тижорат корхоналарининг юридик ҳимояси ҳақида гапириб беришди.

Австрия Федерал маъмурий судининг суд ҳайъати раиси П. Квоста юридик шахсларнинг маъмурий судга мурожаат қилиш тартиби билан таништирди. У Австрия ва Германия суд тизимлари Ўзбекистонники билан ўхшаш эканлигини таъкидлаб ўтди.

– Сўнгги икки йил ичида Австрияда ўртача олти ҳафтага яқин вақтни оладиган маъмурий ишларни кўриб чиқиш муддати анча қисқартирилди, – қайд этди П. Квоста. – Суд тизимини такомиллаштириш ва либераллаштириш кўп жиҳатдан турли тузилмаларнинг яхлит ёндашувига боғлиқ. Бизда рухсат этувчи ҳужжатларни қабул қилишга оид мажбуриятларни ўз зиммасига олувчи тузилма мавжуд бўлиб, бу давлат органлари ва тадбиркорлар ўртасидаги расмиятчилик тартибини енгиллаштиради.

Айтиш жоизки, мамлакатимизда тадбиркорлик фаолиятининг ҳеч қандай муаммо ва тўсиқсиз амалга оширилишини таъминлаш, бизнес юритиш ва инвес­тицион жозибадорликни ошириш учун мақбул шароитларни яратиш бўйича кенг миқёсли ислоҳотлар олиб борилмоқда, тадбиркорлик фаолияти соҳасида фаолиятни лицензиялаш турлари ва рухсат берувчи тартиб-таомиллар сони қисқартирилиб, соддалаштирилди.

– Қонунчиликни такомиллаштириш бўйича сиёсатнинг муҳим йўналишларини белгилаб берган 2017–2021 йилларда Ўзбекистон Республикасини ривожлантиришнинг бешта устувор йўналиши бў­йича Ҳаракатлар стратегияси суд-ҳуқуқ тизимини ислоҳ этишнинг тарихий аҳамиятга эга босқичи бўлди, – дея таъкидлаб ўтди Ўзбекистон Республикаси Олий суди судьяси Иброҳим Тожиев. – Тадбиркорлик субъектларининг ҳуқуқлари ва қонуний манфаатларини ҳимоя қилиш кафолатларини кучайтириш, улар фаолиятига давлат органларининг асоссиз аралашувининг олдини олиш, хусусий мулк дахлсизлигининг ҳуқуқий механизмларини янада мустаҳкамлаш, шунингдек, тадбиркорлик субъектлари ҳуқуқларининг устуворлиги принципини таъминлаш мақсадида, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили институти таъсис этилди.

Мунозараларда иштирокчилар судларда иш юритувининг самараси ва сифатини оширишга қаратилган миллий қонунчиликни такомиллаштириш, амалий ҳимоя механизмларини жорий этиш, тадбиркорлар ўртасидаги низоларни ҳал этиш бў­йича муқобил усулларни қўллашга оид масалаларга тўхталиб ўтишди.

Тадбир сўнгида ташкил этилган матбуот анжуманида ОАВ вакилларини қизиқтирган саволларга батафсил жавоб берилди. Шаҳар судлари фаолияти билан танишув айтилганларнинг амалий тасдиғи бўлди.

Замира БОЛТАЕВА.

Муаллиф олган сурат.

Ўхшаш мақолалар

Ҳаммасино кўриш►

14

Сонларни танлаш

16 феврал, Шанба  
14 13 12 11 10 9 8
7 6 5 4 3 1

Ҳаммасини кўриш ►

Хабарлар

КАСБИЙ ТАЙЁРГАРЛИК ФАКУЛЬТЕТИ ТИНГЛОВЧИЛАРИ АМАЛИЁТДА

Давлатимиз раҳбарининг 2017 йил 16 августдаги қарори асосида Ички ишлар вазирлиги Академиясида Касбий тайёргарлик факультети ташкил этилган эди. Қарорга кўра, факультетга илк   бор олий ва ўрта махсус маълумотга эга номзодлар танлов асосида қабул қилинди.


Ҳаммасини кўриш ►
Подполковник Жабборов Санжар Бўронович – Андижон вилояти Ички ишлар бошқармаси бошлиғининг биринчи ўринбосари лавозимига

Кўп ўқилганлар

  • КАСБИЙ ТАЙЁРГАРЛИК ФАКУЛЬТЕТИ  ТИНГЛОВЧИЛАРИ АМАЛИЁТДА


    Давлатимиз раҳбарининг 2017 йил 16 августдаги қарори асосида Ички ишлар вазирлиги Академиясида Касбий тайёргарлик факультети ташкил этилган эди. Қарорга кўра, факультетга илк   бор олий ва ўрта махсус маълумотга эга номзодлар танлов асосида қабул қилинди.

    ✔ 18    🕔 11:17, 18.02.2019
  • ЎҚУВЧИЛАР БИЛАН УЧРАШУВ


    Ўзбекистон Республикаси Ички ишлар вазирлиги Академиясининг раҳбар ходимлари ва бир гуруҳ ўқитувчилари ИИВ Қашқадарё академик лицейида бўлиб, дастлаб таълим муассасаси ўқув жараёни, бу ерда яратилган шарт-шароитлар билан яқиндан танишишди. Шундан сўнг лицей ўқувчилари иштирокида қизғин давра суҳбати бўлиб ўтди.


    ✔ 6    🕔 11:16, 18.02.2019
  • ХАЛҚ МУЛКИГА ОТИЛГАН ТОШ


    Яқинда Тошкент вилояти ИИБ Транспортда жамоат хавфсизлигини таъминлаш бўлими ҳуқуқбузарликлар профилактикаси бўлинмаси ташаббуси билан Оҳангарон шаҳридаги 6-сонли болалар мусиқа ва санъат мактабида тадбир бўлиб ўтди.

    ✔ 6    🕔 11:16, 18.02.2019
  • СУД ЭКСПЕРТЛАРИ МАЛАКА ОШИРДИ


    ИИВ Эксперт-криминалистика бош марказида давлат суд-кимёгар экспертлари малакасини ошириш бўйича ўқув курси ташкил этилди. Унда эксперт-криминалис­тика бўлинмаларининг 

    14 нафар кимёгар эксперти қатнашди.


    ✔ 6    🕔 11:15, 18.02.2019
  • ЭЪТИРОФГА МУНОСИБ


    Эндигина хизматни бошлаган ёш ходимни қўллаб-қувватлаш, унга тўғри йўл кўрсатиш, соҳага оид билим ва кўникмаларини оширишда бой таж­рибага эга устоз-мураббийларнинг ўрни катта. Шу мақсадда вилоят ИИБ ва унинг тизимларида иш бошлаган ёш ходимларга малакали, жонкуяр ва талабчан ходимлар мураббий этиб бириктирилмоқда.


    ✔ 4    🕔 11:11, 18.02.2019
  • АҚЛ ЁШДА ЭМАС...


    Ислом Каримов номидаги Тошкент давлат техника университетида Ўзбекистон Республикаси Олий ва ўрта махсус таълим вазирлиги, Инновацион ривожланиш вазирлиги, шунингдек, бошқа ҳомий ҳамкорлар томонидан талаба ва ёш педагоглар ҳамда корхоналарнинг ёш мутахассислари учун «ROBOT-UZ 2019» робототехника танлови ўтказилди.


    ✔ 4    🕔 11:06, 18.02.2019
Ҳаммасини кўриш ►
;