БОСҚИНЧИЛАР НИЯТИГА ЕТОЛМАДИ

11:19, 19.11.2018
БОСҚИНЧИЛАР НИЯТИГА ЕТОЛМАДИ

Ўз ишининг устаси бўлиш учун танланган касбига содиқ қолиш ва масъулиятни ҳис этиш лозим. Фуқароларимизнинг тинч ва осуда ҳаётини таъминлаш йўлида хизмат қилаётган инсонларга эса мардлик, қатъият ва пухта жисмоний тайёргарлик зарур.



Тонг ёришиб келаётган пайт. Шаҳар аҳли осуда уйқуда. Вилоят ИИБ ППХ ва ЖТСБ ППХ ходими, сафдор Орифжон Етмишбоев ва Миллий гвардия сафдори Шоҳжаҳон Сайдалиев Гулистон шаҳрининг Истиқлол маҳалласи ҳудудида хизмат вазифасини ўтамоқда. Шу пайт аёл кишининг бақирган овози эшитилди.

– Вақтни бой бермай, тезда овоз келган томонга югурдик, – дейди сафдор О. Етмишбоев. – Маҳалла ҳудудидаги 52-уйнинг учинчи йўлагидан икки ёш йигит чиқиб, дуч келган томонга югуриб кетди. Аммо аёл кишининг бақириғи тинмади. Тезда рация орқали яқин атрофда хизмат ўтаётган йигитларни ёрдамга чақирдик. Уйнинг 34-хонадонига кўтарилганимизда эшик очиқ: қўрқувдан дир-дир титраб бақираётган аёл кўринди, унинг тепасида ниқобли одам турарди. Бошқа хонада эса қўлида калтак кўтарган ниқобли киши ва уй соҳиби муштлашишарди. Бу орада сафдорлар Жавлон Мустафоқулов ва Сардор Мамиров ҳам етиб келди. Бироз олишувдан кейин босқинчиларнинг қўлига кишан солдик.

Дастлабки суриштирувда маълум бўлишича, босқинчилар Гулистон шаҳрида яшовчи Б. Жасур, А. Ботир ҳамда муқаддам судланган фуқаролар М. Ислом ва М. Улуғбек экан. Улар хонадонга босқинчилик мақсадида кирган, уй эгаси Илҳом Юсуповни калтаклаб, пул ва қимматбаҳо тақинчоқлар талаб қилган. Хонадон соҳибаси улардан қўрқиб бақирган. Бақир-чақир бошлангач, босқинчиларнинг икки нафари жуфтакни ростлаган. Икки нафари эса хонадондагиларни уриб, калтаклашни давом эттирган.

Хуллас, ходимларнинг тезкорлиги ва ҳушёрлиги туфайли босқинчилар қўлга олинди. Хонадон соҳиби
И. Юсуповга биринчи ёрдам кўрсатилиб, шифохонага ётқизилди.

– Юртимизда жиноятчиликнинг ҳар қандай кўринишига қарши курашишга катта эътибор қаратилмоқда, – дейди Сирдарё вилояти ИИБ ППХ ва ЖТСБ ППХ батальони командири, подполковник Жамшид Юсупов. – Ички ишлар органларининг барча бўлинмаларини қамраб олган ислоҳотларда моддий-техник базани мустаҳкамлаш, хизматни юқори даражада ўташ учун зарур шароитларни яратиш кўзда тутилган. Шунингдек, кадрлар салоҳияти ҳам диққат марказида. Мисол учун, патруль-пост хизматининг ҳар бир ходими Ўзбекистон Республикасининг қонунлари ва бошқа ҳуқуқий билимларни пухта ўзлаштириши, ўқ отар қуролларидан фойдалана олиши, жисмонан бақувват, кутилмаган вазиятларда ҳаракатланишга тайёр бўлиши зарур. Асосийси, фуқароларнинг тинч-осойишта ҳаёти учун жавобгар эканини унутмаслиги керак. Сирдарё вилояти ИИБ ППХ ва ЖТСБ сафдорлари Орифжон Етмишбоев, Жавлон Мустафоқулов ва Сардор Мамиров хизматга ана шундай масъулият билан ёндашишди.

Самарали ўтказилган операция натижаси ўлароқ, учала осойишталик посбони раҳбарият томонидан рағбатлантиришга тавсия этилди. Батальон командирининг сўзларига қараганда, улар фақат босқинчиларни қўлга олиш ва зарарсизлантириш бў­йича бекаму кўст ўтказилган операция натижалари билан ажралиб турмайди. Учаласи ҳам ички ишлар органларида хизматни нисбатан яқинда бошлаганига қарамай, чуқур билим ва кўникмаларга эга эканини, раҳбариятнинг буйруқ ва топшириқларига бўлган жиддий муносабатини намойиш этишга улгурди. Ушбу сафдорлар ўз устида мунтазам ишлайди, бу уларга замон билан ҳамқадам бўлишга ёрдам беради.

Ғайрат ЭРНАЗАРОВ.

 

Суратда: ППХ ходимлари хизмат пайтида.

Ўхшаш мақолалар

Ҳаммасино кўриш►

14

Сонларни танлаш

16 феврал, Шанба  
14 13 12 11 10 9 8
7 6 5 4 3 1

Ҳаммасини кўриш ►

Хабарлар

КАСБИЙ ТАЙЁРГАРЛИК ФАКУЛЬТЕТИ ТИНГЛОВЧИЛАРИ АМАЛИЁТДА

Давлатимиз раҳбарининг 2017 йил 16 августдаги қарори асосида Ички ишлар вазирлиги Академиясида Касбий тайёргарлик факультети ташкил этилган эди. Қарорга кўра, факультетга илк   бор олий ва ўрта махсус маълумотга эга номзодлар танлов асосида қабул қилинди.


Ҳаммасини кўриш ►
Подполковник Жабборов Санжар Бўронович – Андижон вилояти Ички ишлар бошқармаси бошлиғининг биринчи ўринбосари лавозимига

Кўп ўқилганлар

  • УСТОЗИНИ ЧУВ  ТУШИРГАН ШОГИРД


    Фирибгарлик шундай жиноятки, унга қачон ва қай вазиятда дуч келишингизни билмайсиз. Рустам Ҳожиев (исм-шарифлар ўзгартирилди) ҳам «қатиқдан бу қадар оғзи куйиши»ни хаёлига келтирмаганди.


    ✔ 8    🕔 11:07, 18.02.2019
  • ҚИМОРБОЗЛАР ҚИЛМИШИ


    маҳаллада муҳокама қилинди

    Қимор ўйинининг оқибатлари ҳақида кўпчилик эшитган. 

    ✔ 9    🕔 11:07, 18.02.2019
  • ҲАЁСИЗНИНГ  КАСРИ ҚАРИНДОШИГА ҲАМ УРДИ


    Бухоролик Гулбаҳор Саломова (исм-шарифлар ўзгартирилди) биринчи турмуши бўлмаганидан сўнг бошқа бир киши билан оила қуриб, у билан яшай бошлади.

    ✔ 28    🕔 12:21, 11.02.2019
  • ИЗЛАР БЕИЗ КЕТМАЙДИ


    Ҳар қандай жиноятни тезкорлик билан аниқлаш ва фош этиш ички ишлар органлари хизмат фаолияти самарадорлигини белгиловчи омиллардан бири саналади. Бу жараёнда бошқа соҳавий хизматлар ходимлари қаторида, қилни қирқ ёрадиган эксперт-криминалистларнинг ҳам алоҳида ўрни бор, албатта.


    ✔ 42    🕔 10:24, 04.02.2019
  • ҲАЙДОВЧИНИНГ МАСЪУЛИЯТСИЗЛИГИ


    ЙПХ инспекторининг жабрланишига олиб келди

    Хива шаҳрида содир бўлган йўл-транспорт ҳодисасини кўрган, у ҳақда эшитганлар ичкиликбозликнинг нечоғлик оғир оқибатларга олиб келишига яна бир бор амин бўлишди. 

    ✔ 48    🕔 11:46, 28.01.2019
  • МАЪНАВИЙ ТЎКИС, РУҲАН ТЕТИК БОЛА


    ғурурли ва албатта, ватанпарвар бўлади, лекин...

    Шарқ тафаккури тараққиётига улкан ҳисса қўшган буюк аллома Юсуф Хос Ҳожиб ота-оналарни бола тарбиясига эътибор беришга даъват этаркан, жамият фарзандлар хулқ-атворига қараб, ота-оналарга баҳо беришини айтиб, уларни огоҳлантиради. 

    ✔ 64    🕔 12:44, 21.01.2019
Ҳаммасини кўриш ►
;