ФАОЛИЯТИМИЗ БОШ МЕЗОНИ

11:24, 19.11.2018
ФАОЛИЯТИМИЗ БОШ МЕЗОНИ

Тинчлик ва осойишталикни сақлаш, ҳуқуқбузарликларнинг олдини олиш, жиноятчиликка қарши курашиш, фуқароларнинг ҳақ-ҳуқуқларини, қонуний манфаатларини ҳимоя қилиш бугунги куннинг муҳим вазифаларидан биридир.


 Буни яхши англаган Андижон вилояти ИИБ бўлинма ва соҳавий хизматларининг шахсий таркиби ўз хизмат вазифаларини астойдил бажариб келмоқда.

Ички ишлар органлари фаолиятининг бош мезони халқ манфаатларига хизмат қилишдан иборат. Вилоят ички ишлар органларида фуқароларнинг манфаатларини ҳимоя қилишга алоҳида эътибор қаратилмоқда. Яқинда вилоят ИИБ биноси ёнида жойлашган икки қаватли бино реконструкция қилиниб, фойдаланишга топширилди. Бу ердан фуқаролар қабулхонаси ўрин олди.

Айни вақтда барча бўлинма ва соҳавий хизматларнинг масъул ходимлари алоҳида хоналарда турли масалаларда мурожаат этаётган фуқароларни қабул қилишмоқда. Қолаверса, бу ерда ички ишлар органларига хизматга кираётган ёки вазирлик таълим муассасаларига қабул қилинаётган ёшлар учун зарур ҳужжатлар расмийлаштирилади. Бу, ўз ўрнида, фуқаролар учун қулайлик яратди.

Вилоят ИИБ бошлиғининг виртуал қабулхонаси мунтазам ишлаб турибди. Жорий йилнинг шу даврига қадар виртуал қабулхонага фуқаролардан 30 мингдан ортиқ шикоят ва аризалар келиб тушди. Улардан қарийб 24 мингтаси ўз ечимини топди, қолганлари ўрганиляпти. Умуман олганда, аҳоли мурожаатларида тилга олинган масалаларни ижобий ҳал этиш учун барча чоралар кўрилмоқда.

Вилоят ҳудудида ўтказилаётган тезкор-профилактик тадбирлар ўзининг ижобий натижасини бермоқда. Хусусан, жорий йилда вилоятда оғир ва ўта оғир жиноятлар, муқаддам судланган фуқаролар, вояга етмаганлар ҳамда хотин-қизлар томонидан содир этилган ноқонуний хатти-ҳаракатлар сони сезиларли даражада камайди. Жамоат жойлари ва кўчаларда жиноятлар деярли содир этилмади.

«Хавфсиз шаҳар» дастури доирасида Андижон шаҳрининг энг серқатнов еттита чорраҳасида кузатув камералари ўрнатилиб, видеокузатув тизими шу йилнинг 1 июнидан эътиборан ишга тушди. Ўтган вақт ичида кузатув камералари орқали 50 мингдан зиёд йўл ҳаракати қоидаларининг бузилиши ҳолатлари қайд этилди. Шу ўринда, бу каби қоидабузарлик­лар анча камайганини таъкидлаш жоиз. Кузатув видеокамералари ишга тушган илк даврда кунига 2500 та қоидабузарлик кузатилган бўлса, ҳозирда уларнинг сони бор-йўғи юздан ошади.

«Хавфсиз шаҳар» дастури дастлаб Хонобод шаҳрида жорий этилди. Шаҳар кўчалари ва чорраҳаларида қирққа яқин видеокамералар ўрнатилди. Бунинг натижасида шаҳар ҳудудида ҳуқуқбузарликлар кескин камайди. Шунингдек, видеокамераларда қайд этилган тасвирлар ёрдамида бир нечта жиноят «иссиқ изида» фош қилинди.

Шу кунларда жойларда тинчлик-
осойишталикни сақлаш, жамоат тартибини таъминлаш мақсадида 544 нафар профилактика инспектори куну тун хизмат фаолиятини олиб бормоқда. Улар фуқароларнинг ўзини ўзи бошқариш органлари билан яқин ҳамкорликда ишлаб, фуқароларимиз ўзларини ишончли ҳимоя остида ҳис этиши учун бор куч-ғайратини аямаяпти.

Йил бошидан буён ҳудудий профилактика инспекторлари иштирокида 900 дан ортиқ турли кўринишдаги жиноят фош этилди.

Ички ишлар идоралари ходимлари куни муносабати билан Президентимиз фармонига асосан, кўп йиллик самарали меҳнати ва хизмат бурчини бажариш чоғидаги фидойилиги учун Андижон шаҳар ИИОФМБ профилактика катта инспектори, майор Шукурулла Мамасодиқов «Шуҳрат» медали билан тақдирланди. Шунинг­дек, ИИВ буйруғига биноан, Асака тумани ИИБ профилактика катта инспектори Зокиржон Утанов ҳамда Марҳамат тумани ИИБ профилактика катта инспектори Ғофур Аҳмаджоновга «подполковник» махсус унвони берилди.

Вилоят ИИБ раҳбариятининг асосий эътибори бўлажак кадрлар ўчоғи – ИИВ Андижон академик лицейига қаратилган. Бўлинмалар ва хизматлар ходимлари тез-тез таълим муассасасида бўлиб, таълим олувчилар билан суҳбат қуришади, тизим фаолияти ҳақида сўзлаб беришади. Шу билан бирга, лицейда таҳсил олувчи ёшлар патруль-пост, йўл-патруль хизматлари бўлинмалари, ёнғин хавфсизлиги қисмлари, эксперт-криминалистика бўлимларида, ИИВ Қоровул қўшинлари бош бошқармаси ва Халқаро аэропортларда хавфсизликни таъминлаш қўшинларининг ҳарбий қисмларида бўлиб қайтишади.

 

Тўланбой РАЗЗОҚОВ,

Андижон вилояти ИИБ бошлиғининг биринчи ўринбосари, подполковник.

Ўхшаш мақолалар

Ҳаммасино кўриш►

14

Сонларни танлаш

16 феврал, Шанба  
14 13 12 11 10 9 8
7 6 5 4 3 1

Ҳаммасини кўриш ►

Хабарлар

КАСБИЙ ТАЙЁРГАРЛИК ФАКУЛЬТЕТИ ТИНГЛОВЧИЛАРИ АМАЛИЁТДА

Давлатимиз раҳбарининг 2017 йил 16 августдаги қарори асосида Ички ишлар вазирлиги Академиясида Касбий тайёргарлик факультети ташкил этилган эди. Қарорга кўра, факультетга илк   бор олий ва ўрта махсус маълумотга эга номзодлар танлов асосида қабул қилинди.


Ҳаммасини кўриш ►
Подполковник Жабборов Санжар Бўронович – Андижон вилояти Ички ишлар бошқармаси бошлиғининг биринчи ўринбосари лавозимига

Кўп ўқилганлар

  • «АВВАЛО, ХОДИМНИНГ ДИЛИ ПОК БЎЛСИН»


    Сўнгги пайтларда мамлакатимизда коррупцияга қарши кураш борасида сезиларли ишлар амалга оширилмоқда. 

    ✔ 14    🕔 11:14, 18.02.2019
  • ТАШАББУСКОР ВА ФИДОЙИЛАРГА КЕНГ ЙЎЛ


    Мамлакатимизда нодавлат нотижорат ташкилотлар сони яна биттага кўпайди. Президентимизнинг 2019 йил 17 январдаги «2017–2021 йилларда Ўзбекис­тон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастури тўғрисида»ги фармонига асосан, «Юксалиш» умуммиллий ҳаракати ташкил этилди. Жорий йилнинг 25 январь куни умуммиллий ҳаракат Ўзбекистон Республикаси Адлия вазирлигида давлат рўйхатидан ўтказилди.


    ✔ 9    🕔 11:08, 18.02.2019
  • ФАОЛИЯТ ТАНҚИДИЙ ТАҲЛИЛ ЭТИЛДИ


    амалга оширилиши лозим бўлган вазифалар белгилаб олинди

    Ўзбекистон Республикаси Ички ишлар вазири, генерал-лейтенант Пўлат Бобожонов жиноятчиликка қарши курашиш, ҳуқуқ­бузарликлар профилактикаси ва жамоат хавфсизлигини таъминлаш, шунингдек, секторлар фаолиятини такомиллаштириш, аҳоли муаммоларини ҳал этиш юзасидан амалга оширилаётган ишларни ўрганиш мақсадида Қорақалпоғистон Респуб­ликасида бўлди.

    ✔ 11    🕔 11:01, 18.02.2019
  • УРГАНЧ ШАҲРИДА МУНТАЗАМ МАСКАНЛАР


    Ҳар бир жиноят ёки ҳуқуқбузарликнинг барвақт олдини олиш ва унга қарши курашиш бўйича ҳар қайси ҳудуд ўз тажрибасини яратиши керак.

    Шавкат МИРЗИЁЕВ.

    ✔ 7    🕔 10:57, 18.02.2019
  • КИБЕРЖИНОЯТЧИЛИК – ГЛОБАЛ ХАВФ


    Мамлакатимизда ҳар бир фуқаронинг ўзи истаган ахборотни олиш ва ундан эркин фойдаланиш ҳуқуқи қонун билан кафолатланган. 

    ✔ 34    🕔 12:22, 11.02.2019
  • ТАНҚИДИЙ-ТАҲЛИЛИЙ РУҲДА


    Ўзбекистон Республикаси Ички ишлар вазири, генерал-лейтенант Пўлат Бобожонов жамоат хавфсизлигини таъминлаш, жиноятчиликка қарши курашиш, ҳуқуқбузарликларнинг олдини олиш, шунинг­дек, секторлар фаолиятини такомиллаштириш, аҳоли муаммоларини ҳал этиш борасида олиб борилаётган ишларни ўрганиш мақсадида Самарқанд вилоятида хизмат сафарида бўлди.


    ✔ 30    🕔 12:16, 11.02.2019
Ҳаммасини кўриш ►
;