БУХОРОЛИК САМБОЧИЛАР БИРИНЧИ ЎРИНДА

12:46, 26.11.2018
БУХОРОЛИК САМБОЧИЛАР  БИРИНЧИ ЎРИНДА

Республика ИИВ тизимидаги тезкор вазифаларни бажарувчи сафарбарлик отряди ходимларидан ҳар қандай мураккаб вазифаларни бажаришга шай туриш ва спортнинг барча турларини пухта ўрганиш талаб этилади.


 Шу мақсадда ходимлар билан турли спорт мусобақалари ўтказилиши анъанага айланган. Ана шундай спорт мусобақаларидан бири Бухоро вилоятида бўлди.

Тадбир республика Ички ишлар вазирлиги ташаббуси билан шахсий таркиб ўртасида самбо ва жанговар самбони оммалаштириш мақсадида ташкил этилган бўлиб, унда Қорақалпоғистон Республикаси ва вилоятлардан ташриф буюрган 113 нафар спортчи ходим ўзаро куч синашди. Мусобақада ИИВ тизимида хизмат олиб бораётган республика даражасидаги спорт усталари ҳакамлик қилди.

Икки кун давомида еттита вазн тоифасида ўтказилган яккакураш баҳсларида ғолиблар аниқланди. Жумладан, 62 кг. вазн тоифасида Тошкент шаҳар ИИББ шарафини ҳимоя қилган Баҳром Иноятов, 68 кг. вазн тоифасида Бухоро вилояти вакили Суҳроб Эргашев, 74, 82 ва 90 кг. вазн тоифаларида Қашқадарё вилояти вакиллари Жавлон Тоғаев, Рус­там Саидов ва Ботир Холиёров ғолиб бўлди. 100 кг. вазн тоифасида Навоий вилояти спортчиси Элбек Мусаев ва 100 кг.дан ортиқ вазн тоифасида мезбонлар шарафини ҳимоя қилган Нурбек Тўраев бошқалардан устун келди.

Самбо бўйича умумжамоа ҳисобида Қашқадарё вилояти ИИБ вакиллари биринчи ўринни эгаллади. Бухоро вилояти ва Тошкент шаҳри жамоалари иккинчи ўринни эгаллаган бўлса, учинчи ўрин Хоразм вилояти вакилларига насиб этди.

Мусобақанинг иккинчи ярмида жанговар самбо бўйича беллашувлар бўлиб ўтди. 62 кг. вазн тоифасида Андижон вилоятидан Шерзод Расулов, 68 ва 74 кг. вазн тоифаларида мезбонлар вакиллари Суҳроб Эргашев, Жаҳонгир Жумаев зафар қучган бўлса, 82 ва 90 кг. вазн тоифаларида қашқадарёлик спортчилар Рустам Саидов ва Ботир Холиёровга тенг келадиган рақиб топилмади. Шунингдек, самбо бўйича ғолибликка эришган Навоий вилоятидан Элбек Мусаев ҳамда мезбонлар вакили Нурбек Тўраев 100 кг. ва 100 кг.дан ортиқ вазн тоифаларида олий ўринни эгаллади.

Жанговар самбо бўйича умумжамоа ҳисобида биринчи ўрин Бухоро вилояти спортчиларига насиб этди.

Ғолибларга республика ИИВ ҳамда Бухоро вилояти ИИБ раҳбарияти эсдалик совғалари ва медалларни топширишди.

Қувват ЯРАШОВ,

майор.

Бухоро вилояти.

Ўхшаш мақолалар

Ҳаммасино кўриш►

14

Сонларни танлаш

16 феврал, Шанба  
14 13 12 11 10 9 8
7 6 5 4 3 1

Ҳаммасини кўриш ►

Хабарлар

КАСБИЙ ТАЙЁРГАРЛИК ФАКУЛЬТЕТИ ТИНГЛОВЧИЛАРИ АМАЛИЁТДА

Давлатимиз раҳбарининг 2017 йил 16 августдаги қарори асосида Ички ишлар вазирлиги Академиясида Касбий тайёргарлик факультети ташкил этилган эди. Қарорга кўра, факультетга илк   бор олий ва ўрта махсус маълумотга эга номзодлар танлов асосида қабул қилинди.


Ҳаммасини кўриш ►
Подполковник Жабборов Санжар Бўронович – Андижон вилояти Ички ишлар бошқармаси бошлиғининг биринчи ўринбосари лавозимига

Кўп ўқилганлар

  • ВАКИЛЛАРИМИЗ ЯНА  ОЛДИНГИ САФДА


    Мамлакатимиз ҳуқуқни муҳофаза қилиш органлари қўл жанги федерацияси ҳамда бир қатор ташкилотлар ҳамкорлигида 6–9 февраль кунлари пойтахтимизнинг «Универсал» спорт саройида қўл жанги бўйича Ўзбе­кистон чемпионати бўлиб ўтди.


    ✔ 5    🕔 11:05, 18.02.2019
  • ВИЛОЯТ ИИБ ЖАМОАСИ ҒОЛИБ


    Жиззах вилояти яккакураш спорт турларига ихтисослаштирилган болалар ва ўсмирлар спорт мактабида ҳуқуқ-тартибот идоралари ходимлари ўртасида қўл жанги бўйича мусобақа бўлиб ўтди.

    ✔ 4    🕔 11:04, 18.02.2019
  • ОРЗУЛАРИ  ОСМОН ҚИЗ


    Ички ишлар органлари ходимлари сафида эл-юрт осойишталигини сақлаш, ҳуқуқбузарликларнинг олдини олиш баробарида, спорт билан мунтазам шуғулланиб, нуфузли мусобақаларда иштирок этаётган, мамлакатимиз довруғини дунёга танитаётганлар кўпчиликни ташкил қилади.

    ✔ 51    🕔 12:02, 28.01.2019
  • МАЙДОНДА СИНАЛГАН МАРДЛАР


    Мамлакатимиз Қуролли Кучлари ташкил этилганининг 27 йиллиги ҳамда Ватан ҳимоячилари куни муносабати билан қўл жанги бўйи­ча Қуролли Кучлар очиқ чемпионати ўтказилди. 

    ✔ 96    🕔 11:58, 14.01.2019
  • ЧЕМПИОН АСКАР


    Мақсадинг аниқ, йўлинг равон бўлса, ишинг ҳам бароридан келаркан. Ҳаммаси ниятга боғлиқ. Аммо етук спортчи бўламан, деган киши яратилаётган имкониятлардан унумли фойдаланишни билиши лозим.


    ✔ 109    🕔 13:05, 07.01.2019
  • АКАДЕМИЯ КУРСАНТЛАРИ – СОВРИНДОР


    Самарқанд шаҳрида ўтказилган бокс бўйича Ўзбекистон чемпионатида ИИВ Академияси спортчилари совриндорлар сафидан ўрин олди.


    ✔ 93    🕔 13:05, 07.01.2019
Ҳаммасини кўриш ►
;