ОРТДА ҚОЛГАН ЎН ОЙ натижалар ва келгуси режалар

12:04, 03.12.2018
ОРТДА ҚОЛГАН ЎН ОЙ  натижалар ва келгуси режалар

Пойтахтимиздаги «Тараққиёт стратегияси» марказида Ички ишлар вазирлиги ташаббуси билан матбуот анжумани бўлиб ўтди.


 Ҳуқуқбузарликларнинг олдини олиш, жиноятчиликка қарши курашиш, жамоат тартибини сақлаш, аҳоли хавфсизлигини таъминлаш бўйича амалга оширилаётган ишлар юзасидан бўлиб ўтган тадбирда вазирликнинг барча бош бошқарма, бошқарма бошлиқлари, масъул ходимлари ва маҳаллий ҳамда хориж ОАВ вакиллари иштирок этди.

Тадбир аввалида ИИВ Жамоатчилик ва оммавий ахборот воситалари билан алоқалар бошқармаси бошлиғи, генерал-майор Қ. Бурхонов тизимда жиноятчиликнинг олдини олиш борасида амалга оширилаётган ишлар, ўтказилаётган ислоҳотлар, эришилган натижалар юзасидан ахборот берди.

Таъкидлаш жоизки, 2017–2018 йилларда ички ишлар органлари тизимида туб ислоҳотлар амалга оширилди. Хусусан, вазирлик ва ҳудудий ички ишлар бошқармалари штат бирликларини қисқартириш эвазига қуйи тизим, яъни, туман ва шаҳар ички ишлар бўлимларининг ташкилий тузилмалари кучайтирилгани жиноятчиликка қарши курашда, ҳуқуқбузарликларнинг барвақт олдини олишда самарали натижа касб этди. Фуқароларга қулайлик яратиш, ички ишлар бўлимларини аҳолига яқинлаштириш, ҳуқуқбузарликлар профилактикасини тизимли ташкил этиш мақсадида ички ишлар бўлимларидан олисда жойлашган аҳоли пунктларида 175 та ички ишлар бўлими(бўлинмаси) ва 824 та таянч пункти ташкил этилди. Профилактика инспеторлари сони 1102 нафарга кўпайтирилиб, ҳуқуқбузарликларнинг олдини олишда уларнинг масъулияти янада оширилди. Вазирлик ҳузурида Тергов департаменти ташкил этилиб, жойларда суриштирувчилар фаолияти йўлга қўйилди.

Бу каби ислоҳотлар ўз самарасини бериб, жиноятлар камайишига эришилди. Жумладан, жорий йилнинг 10 ойи давомида жиноятлар сони ўтган йилнинг шу даврига нисбатан 21355 тага ёки 35,7 фоизга камайди. Худди шундай, жиноятларнинг айрим турлари ҳам бирмунча камайди. Хусусан, ўтган йиллар мобайнида анча кўпайган фирибгарлик жинояти ўтган йилнинг 10 ойида 7945 та қайд этилган бўлса, жорий йилнинг шу даврида 4975 тани ташкил этди. Ҳисобот даврида ўғрилик жинояти ҳам сезиларли даражада камайиши кузатилди. Ўтган йилнинг шу даврида 10385 та ўғрилик жинояти ҳисобга олинган бўлса, бу йил у 6270 тани ташкил этди. Шу даврда респуб­ликамиздаги мавжуд маҳаллаларнинг 2789 тасида жиноят содир этилишига йўл қўйилмади.

Шундан сўнг савол-жавобларга ўтилди. Журналистларни кўпроқ миграция ва фуқароликни расмийлаштириш, йўл ҳаракати хавфсизлиги, жазони ижро этиш, тергов, жиноят қидирув йўналишидаги саволлар қизиқтирди. Барча саволларга шу ерда ҳозир бўлган ИИВ соҳавий хизматлари раҳбарлари томонидан батафсил жавоб берилди.

Матбуот анжуманида тизимда ташкил этилган пробация хизмати, гумонланувчи шахсларни тергов қилишда инсонпарварлик тамойилининг таъминланиши юзасидан ҳам кенг маълумот берилди.

Тадбир якунида ИИВ Ёнғин хавфсизлиги ва Қўриқлаш бош бошқармалари ҳозирда кенг фойдаланиб келаётган махсус автотехника воситалари намо­йиш этилди.

Ўз мухбиримиз.

Содиқ ҲАКИМОВ олган сурат. 

Ўхшаш мақолалар

Ҳаммасино кўриш►

14

Сонларни танлаш

16 феврал, Шанба  
14 13 12 11 10 9 8
7 6 5 4 3 1

Ҳаммасини кўриш ►

Хабарлар

КАСБИЙ ТАЙЁРГАРЛИК ФАКУЛЬТЕТИ ТИНГЛОВЧИЛАРИ АМАЛИЁТДА

Давлатимиз раҳбарининг 2017 йил 16 августдаги қарори асосида Ички ишлар вазирлиги Академиясида Касбий тайёргарлик факультети ташкил этилган эди. Қарорга кўра, факультетга илк   бор олий ва ўрта махсус маълумотга эга номзодлар танлов асосида қабул қилинди.


Ҳаммасини кўриш ►
Подполковник Жабборов Санжар Бўронович – Андижон вилояти Ички ишлар бошқармаси бошлиғининг биринчи ўринбосари лавозимига

Кўп ўқилганлар

  • КАСБИЙ ТАЙЁРГАРЛИК ФАКУЛЬТЕТИ  ТИНГЛОВЧИЛАРИ АМАЛИЁТДА


    Давлатимиз раҳбарининг 2017 йил 16 августдаги қарори асосида Ички ишлар вазирлиги Академиясида Касбий тайёргарлик факультети ташкил этилган эди. Қарорга кўра, факультетга илк   бор олий ва ўрта махсус маълумотга эга номзодлар танлов асосида қабул қилинди.

    ✔ 18    🕔 11:17, 18.02.2019
  • ЎҚУВЧИЛАР БИЛАН УЧРАШУВ


    Ўзбекистон Республикаси Ички ишлар вазирлиги Академиясининг раҳбар ходимлари ва бир гуруҳ ўқитувчилари ИИВ Қашқадарё академик лицейида бўлиб, дастлаб таълим муассасаси ўқув жараёни, бу ерда яратилган шарт-шароитлар билан яқиндан танишишди. Шундан сўнг лицей ўқувчилари иштирокида қизғин давра суҳбати бўлиб ўтди.


    ✔ 6    🕔 11:16, 18.02.2019
  • ХАЛҚ МУЛКИГА ОТИЛГАН ТОШ


    Яқинда Тошкент вилояти ИИБ Транспортда жамоат хавфсизлигини таъминлаш бўлими ҳуқуқбузарликлар профилактикаси бўлинмаси ташаббуси билан Оҳангарон шаҳридаги 6-сонли болалар мусиқа ва санъат мактабида тадбир бўлиб ўтди.

    ✔ 6    🕔 11:16, 18.02.2019
  • СУД ЭКСПЕРТЛАРИ МАЛАКА ОШИРДИ


    ИИВ Эксперт-криминалистика бош марказида давлат суд-кимёгар экспертлари малакасини ошириш бўйича ўқув курси ташкил этилди. Унда эксперт-криминалис­тика бўлинмаларининг 

    14 нафар кимёгар эксперти қатнашди.


    ✔ 6    🕔 11:15, 18.02.2019
  • ЭЪТИРОФГА МУНОСИБ


    Эндигина хизматни бошлаган ёш ходимни қўллаб-қувватлаш, унга тўғри йўл кўрсатиш, соҳага оид билим ва кўникмаларини оширишда бой таж­рибага эга устоз-мураббийларнинг ўрни катта. Шу мақсадда вилоят ИИБ ва унинг тизимларида иш бошлаган ёш ходимларга малакали, жонкуяр ва талабчан ходимлар мураббий этиб бириктирилмоқда.


    ✔ 4    🕔 11:11, 18.02.2019
  • АҚЛ ЁШДА ЭМАС...


    Ислом Каримов номидаги Тошкент давлат техника университетида Ўзбекистон Республикаси Олий ва ўрта махсус таълим вазирлиги, Инновацион ривожланиш вазирлиги, шунингдек, бошқа ҳомий ҳамкорлар томонидан талаба ва ёш педагоглар ҳамда корхоналарнинг ёш мутахассислари учун «ROBOT-UZ 2019» робототехника танлови ўтказилди.


    ✔ 4    🕔 11:06, 18.02.2019
Ҳаммасини кўриш ►
;