Ишонч масъулият юклайди

12:07, 03.12.2018
Ишонч масъулият юклайди

Ички ишлар органларининг қўриқлаш хизмати фаолиятига баҳо берилганида, аввало, қўриқланаётган объектларда ўғрилик, ёнғин ва шунга ўхшаш нохуш ҳолатларнинг рўй бергани ёки бермагани инобатга олинади. 


Шу маънода, бўлимимиз ходимлари томонидан қўриқланаётган халқ хўжалиги объектлари ва аҳоли хонадонларида бу йил биронта ҳам ўғрилик содир бўлмагани қувонарли ҳол, албатта.

Тумандаги банклар, бир қатор давлат идоралари, жами 217 та халқ хўжалиги объекти ва 82 та фуқаролар хонадони қўриқловга олинган. Шунингдек, туман марказидаги Ат-Термизий,
А. Навоий, Б. Тўрақулов кўчалари, туман деҳқон бозори бўйлаб йўналишли қўриқлов ҳам йўлга қўйилган.

Шу йилнинг ўтган даврида 34 та халқ хўжалиги объекти, 76 та хонадон шартнома асосида янгитдан қўриқловга олинди. Ҳозирда қўриқловга олинган барча хонадонлар ҳамда 34 та объект техник қўриқлаш пунк­тига уланган. Йил бошидан бери қўриқловдаги объектларга 210 та видеокузатув мосламалари ўрнатилди. Умуман олганда, ҳозирги пайтда объектларда 600 га яқин видеокамера ишлаб турибди.

Ходимларимиз туман ИИБ соҳавий хизматлари билан ҳамкорликда ўтказилаётган тезкор профилактик тадбирларда ҳам фаол қатнашяпти. Йил бошидан бери улар иштирокида 300 нафарга яқин шахс ҳуқуқбузарлик содир этгани учун туман ИИБга келтирилди.

Объектларнинг ишончли қўриқланишини таъминлаш мақсадида туман ИИБ раҳбарияти билан биргаликда режа асосида махсус ўқув машғулотлари ўтказиляпти. Ҳозиргача бўлим шахсий таркиби билан 16 маротаба тактик-амалий ўқув машғулотлари ташкил этилди.

Ходимларимиз учун зарур шарт-шароитлар яратилиши вилоят ИИБ раҳбариятининг доимий эътиборида. Бўлим учун янги бино қурилиб, шу йил Наврўз байрами арафасида фойдаланишга топширилди. Шунингдек, бўлимимиз зарур техника воситалари билан таъминланмоқда.

Кейинги пайтда бўлим шахсий таркиби томонидан қўриқловга олинган объектлар сони ошиб бормоқда. Бу қўриқлаш хизматига нисбатан ишонч тобора ортиб бораётганидан дарак беради. Ўз навбатида, билдирилаётган ишонч зиммамиздаги вазифаларга нисбатан ­масъулиятни янада оширади.

 

Саъдулла БОБОХОНОВ,

Бойсун тумани ИИБ қўриқлаш бўлими бошлиғи, капитан.

Ўхшаш мақолалар

Ҳаммасино кўриш►

14

Сонларни танлаш

16 феврал, Шанба  
14 13 12 11 10 9 8
7 6 5 4 3 1

Ҳаммасини кўриш ►

Хабарлар

КАСБИЙ ТАЙЁРГАРЛИК ФАКУЛЬТЕТИ ТИНГЛОВЧИЛАРИ АМАЛИЁТДА

Давлатимиз раҳбарининг 2017 йил 16 августдаги қарори асосида Ички ишлар вазирлиги Академиясида Касбий тайёргарлик факультети ташкил этилган эди. Қарорга кўра, факультетга илк   бор олий ва ўрта махсус маълумотга эга номзодлар танлов асосида қабул қилинди.


Ҳаммасини кўриш ►
Подполковник Жабборов Санжар Бўронович – Андижон вилояти Ички ишлар бошқармаси бошлиғининг биринчи ўринбосари лавозимига

Кўп ўқилганлар

  • БУРЧГА САДОҚАТ ВА ФИДОЙИЛИК БИЛАН


    Навоий халқаро аэропортида хавфсизликни таъминлаш алоҳида батальони ходимларига мустаҳкам ҳарбий интизом, юксак жанговар шайлик шунчаки шиор эмас, балки ҳаётининг мазмун-моҳиятига айланган.

    ✔ 11    🕔 11:11, 18.02.2019
  • КУНУ ТУН ХИЗМАТДА


    Тунги соат учлар чамаси. Борлиққа сукунат чўкиб, шаҳар аҳли осуда ором оларди.

    ✔ 6    🕔 11:10, 18.02.2019
  • ОТАМНИНГ ДУОСИ МЕНИ АСРАЙДИ


    – дейди Навоий шаҳар ИИОФМБ ҳузуридаги тергов бўлими терговчиси, подполковник Марҳабо Ҳожиева

    ✔ 5    🕔 11:10, 18.02.2019
  • МАЪНАН ЕТУК, ЖИСМОНАН СОҒЛОМ


    ҳарбий хизматчи ҳақиқий Ватан ҳимоячиси бўлади

    Мамлакатимиз Қуролли Кучларининг таянчи ва суянчи ҳисоб­ланган замонавий ҳарбий хизматчилар тимсолида, авваламбор, чуқур билим, интеллектуал салоҳиятга, ўз бурчини бажариш йўлида қатъий ирода ва мустаҳкам тайёргарликка эга бўлган, она юртимизга садоқатли, мард, фидойи инсонларни кўрамиз ҳамда улар билан ҳақли равишда фахрланамиз.

    ✔ 7    🕔 10:59, 18.02.2019
  • КУЧ ВА ИМКОНИЯТЛАР СИНОВДАН ЎТКАЗИЛДИ


    Бухоро вилояти Қоровулбозор тумани ҳудудида жойлашган «Муборакнефтгаз» масъулияти чекланган жамия­тига қарашли «Жанубий кемачи» тоифаланган объектда кўргазмали қўмондонлик штаб ва махсус тактик-ўқув машғулотлари бўлиб ўтди.


    ✔ 30    🕔 12:30, 11.02.2019
  • НАЗОРАТНИ ЯНАДА КУЧАЙТИРИШ ЗАРУР


    Қиш кунларида хонадонларда ёнғинлар кўп рўй беради. Бунда, ҳеч бир муболағасиз айтиш мумкинки, кўпинча фуқароларимизнинг ўзлари сабабчи бўлишади. Чунки улар ёнғин хавфсизлиги қоидаларига риоя этишмайди ёки бепарволик қилишади.


    ✔ 49    🕔 12:29, 11.02.2019
Ҳаммасини кўриш ►
;