Сарҳадларда мудом сергакмиз

12:08, 03.12.2018
Сарҳадларда мудом сергакмиз

Халқимизда хотиржам яшамоқчи бўлсанг, деворингни мустаҳкам қил, деган нақл бор. Давлатнинг девори эса сарҳадлар ҳисобланади. Чегараларда хотиржамлик, осойишталик ҳукм суриб, турли бузғунчилик ҳаракатларидан холи бўлса, демак, сарҳадлар мустаҳкамдир.


 Шу жиҳатдан олганда, чегара ҳудудларда профилактик ишлар олиб бориш, жиноят ва ҳуқуқбузарликларнинг олдини олиш ички ишлар органларининг энг муҳим вазифаларидан биридир.

Вилоят ИИБ Терроризм ва экстремизмга қарши курашиш бошқармасининг тоғли ҳудудлардаги тезкор бўлинмалар фаолиятини мувофиқлаштириш бўлими ходимлари зиммаларидаги вазифаларни бажариш учун барча имкониятларни ишга солмоқда. Вилоятнинг Тожикистон ва Туркманистон билан чегарадош ҳудудларидаги 160 га яқин маҳалла, уч юзга яқин қишлоқда хизмат олиб бораётган ходимларимиз биринчи галда профилактик ишлар таъсирчанлигини оширишга эътибор қаратишмоқда.

Маълумки, вилоятимиз чегараларининг асосий қисми тоғли ҳудудлардан иборат. Тоғликлар овчилик билан ҳам шуғулланади. Биз фуқароларга овчилик билан шуғулланишда, ўқотар қуролларни сақлашда қонун-қоидаларга риоя этиш зурурлигини, йўқса, тегишли чоралар кўрилишини бот-бот эслатиб турамиз. Ходимларимиз томонидан ўтказилган «Тозалаш–Антитеррор» ҳамда «Арсенал» тезкор профилактик тадбирлари давомида олиб борилган огоҳлантирув ва профилактик тушунтириш ишларидан кейин юздан ортиқ фуқаролар тўппонча, ов қуроллари, ўқ-дори ва порохларни ўз ихтиёри билан олиб келиб топширди.

Тоғли ҳудудларнинг овлоқ жойларида таркибида гиёҳвандлик моддаси бўлган ўсимликларни экиш ва парваришлашга ҳаракат қилаётганлар ҳам учраб туради. Масалан, ходимларимиз Сариосиё туманидаги Чош қишлоғи хонадонларини текширувдан ўтказаётганда, фуқаро Э. Муроднинг томорқасидаги помидор экинлари орасида наша гиёҳвандлик ўсимлиги борлиги аниқланди. Мактабда ўқитувчилик қилаётган бу фуқарога нисбатан тегиш­ли чора кўрилди. Денов тумани Сумбула маҳалласида истиқомат қилувчи
Э. Давлат эса тоғолди ҳудуддан томорқа олгани бежиз эмаслиги маълум бўлди. У тоғ этагидаги овлоқ жойда 600 тупдан ортиқ кўкнори ўсимлиги парваришлаётгани аниқланди.

Махфий ва рухсат этилмаган тарзда фуқароларга диний сабоқ бериш қонунан ман этилган. Денов туманидаги Ободон маҳалласида яшовчи Ҳ. Дилором ўз уйида ҳужра очиб, устози Б. Фармон билан ўнга яқин хотин-қизларга диний сабоқ бераётгани фош этилди. Энг ачинарлиси, сабоқ олаётганлар орасида мактаб ўқувчилари ҳам бор. Йил бошидан бери ноқонуний диний фаолият билан боғлиқ яна бир қатор жиноятлар фош этилди.

Умуман, ходимларимиз томонидан йил бошидан бери 600 га яқин қонунбузарлик ҳолатлари аниқланди. Албатта, бундай ҳолатларнинг такрорланмаслиги учун профилактик тадбирларни янада кучайтиряпмиз. Бунда фуқароларнинг ўзини ўзи бошқариш органлари билан ҳамкорликка алоҳида эътибор қаратилмоқда.

Муроджон СУЛТОНОВ,

вилоят ИИБ ТЭҚКБ тоғли ҳудудлардаги тезкор бўлинмалар фаолиятини мувофиқлаштириш бўлими бошлиғи, подполковник.

Ўхшаш мақолалар

Ҳаммасино кўриш►

14

Сонларни танлаш

16 феврал, Шанба  
14 13 12 11 10 9 8
7 6 5 4 3 1

Ҳаммасини кўриш ►

Хабарлар

КАСБИЙ ТАЙЁРГАРЛИК ФАКУЛЬТЕТИ ТИНГЛОВЧИЛАРИ АМАЛИЁТДА

Давлатимиз раҳбарининг 2017 йил 16 августдаги қарори асосида Ички ишлар вазирлиги Академиясида Касбий тайёргарлик факультети ташкил этилган эди. Қарорга кўра, факультетга илк   бор олий ва ўрта махсус маълумотга эга номзодлар танлов асосида қабул қилинди.


Ҳаммасини кўриш ►
Подполковник Жабборов Санжар Бўронович – Андижон вилояти Ички ишлар бошқармаси бошлиғининг биринчи ўринбосари лавозимига

Кўп ўқилганлар

  •           ВАТАН ДЕБ УРГАН ЮРАК МАНГУ БАРҲАЁТ


    Умрини эзгуликка эш қилган, Ватан ва халқ учун хизмат қилишни ҳаётининг бош мезонига айлантирган инсонлар хотираси тошга ўйилган нақш каби мангу яшайди. Марҳум устоз, истеъфодаги генерал-майор Ғофуржон Раҳимов ҳам ана шундай ибратли умр соҳиби эди. 

    ✔ 53    🕔 10:41, 04.02.2019
  • ИБРАТГА ЙЎҒРИЛГАН УМР


    Истеъфодаги генерал-майор, чорак аср ИИВ Фахрийлар кенгаши раиси лавозимида фаолият юритган Ғофуржон Раҳимов ҳаёт бўлганида 90 ёшни қаршиларди. Бугун унинг шарафли ишини яқинлари, ҳамкасб шогирдлари давом эттиряпти. Зеро, яхшиларнинг ибрат мактаби йўлчи юлдуз сингари умр йўлларини нурафшон айлайверади.


    ✔ 51    🕔 10:27, 04.02.2019
  • ҲАЁТ ЙЎЛИ ЁШЛАРГА ИБРАТ


    Тақдир инсонга тиришқоқлик, ҳаракатчанлик сифатлари ҳамда бошқаларга яхшилик қилишдек эзгу ва савобли ишларни амалга ошириш имконини берса, бошқалар бу йўлда унга тўсқинлик қилолмас экан.


    ✔ 61    🕔 12:15, 28.01.2019
  • АҲОЛИ МАНФААТИНИ КЎЗЛАБ


    Бугунги кунда республикамиздаги энг чекка қишлоқ ва маҳаллаларда ҳам одамлар руҳияти, кайфиятида янгиланиш, ўзгаришлар ифодасини кўриш мумкин. Бунинг боиси халқимизнинг турмуш фаровонлигини ошириш, аҳолига намунали шарт-шароитлар яратиш борасида кенг қамровли ишлар амалга оширилаётганлигидир. 

    ✔ 173    🕔 13:06, 17.12.2018
  • Сарҳадларда мудом сергакмиз


    Халқимизда хотиржам яшамоқчи бўлсанг, деворингни мустаҳкам қил, деган нақл бор. Давлатнинг девори эса сарҳадлар ҳисобланади. Чегараларда хотиржамлик, осойишталик ҳукм суриб, турли бузғунчилик ҳаракатларидан холи бўлса, демак, сарҳадлар мустаҳкамдир.

    ✔ 164    🕔 12:08, 03.12.2018
  • МАНГУ ҚЎШИҚ КАБИ ЯНГРОҚ


    эсар Жайҳун шамоллари

    Шеърлар бўладики, улар ўз шоиридан бир неча баробар узун умр кўради. Ўзбекистон Қаҳрамони, Ўзбекистон ва Қорақалпоғистон халқ шоири, Ибройим Юсуповнинг қалб қўрида тобланган, соҳир қаламидан тўкилган назмий сатрлар ана шундай умрбоқий асарлардир. 

    ✔ 208    🕔 12:41, 12.11.2018
Ҳаммасини кўриш ►
;