МАҲОРАТНИ ИШГА СОЛИБ

12:08, 03.12.2018
МАҲОРАТНИ ИШГА СОЛИБ

Жиноят жойида кўзга аранг кўринадиган зарра ҳам тилсиз гувоҳга айланади. Бу кўп йиллик тажрибаларда ўз исботини топган.


 Шунинг учун ҳам эксперт-криминалистлар воқеа жойини ўрганиб, шубҳа уйғотган ҳар қандай ашёни эътибордан четда қолдирмайди. Ҳозирги пайтда содир этилаётган жиноятларнинг салмоқли қисми экспертиза ўтказиш йўли билан очилаётгани сўзимиз тасдиғидир.

Вилоят ИИБ ЭКБ ходимлари жорий йил бошидан буён тергов-тезкор гуруҳлари таркибида 1800 дан ортиқ ҳодиса жойини текшириш ҳаракатларида иштирок этишди. Жойлардан бир ярим мингдан ортиқ ашёвий далиллар олинди. Ўтган йилдагидан 130 та кўп экспертиза ўтказилди.

Сариосиё туманидаги Халқобод маҳалласида яшовчи фуқаро А. Покиза туман ИИБга мурожаат қилиб, уйига тунда икки номаълум шахс юзига ниқоб кийган ҳолда бостириб кирганини, қўрқитиш йўли билан 1 миллион сўм ва 600 АҚШ доллари миқдоридаги пули ҳамда тилла тақинчоқларини олиб кетганини билдирди. Воқеа жойидан олинган бармоқ излари «Сонда» автоматлаштирилган дактилоскопик идентификация тизими базаси орқали текшириб кўрилганда ашёвий далилларда қолган бармоқ излари айнан хонадон соҳибасининг бармоқ изларига мос келиши аниқланди. А. Покиза ўғриликни ўзи уюштирганини тан олди.

Шўрчи туманидаги Ибн Сино номли маҳаллада истиқомат қилувчи фуқаро З. Абдураҳимнинг хонадонидан куппа-кундузи 18 миллион сўм пул ўғирлаб кетилади. Воқеа жойидан олинган бармоқ излари текшириб кўрилганида, улар шу маҳаллада яшовчи
Э. Бобошерники экани маълум бўлди.

Экспертларимиз томонидан аниқланган бундай ҳолатлар кам эмас. Муҳими, бу орқали хизмат фаолиятимиз, ўрганиш ва изланишларимиз бесамар кетмаётгани ўз тасдиғини топмоқда. Шу ўринда тажрибали экспертлар – майор Истам Алимов, капитан Фозил Ҳасанов, хатшунослик эксперти бўйи­ча мутахассис, подполковник Фарҳод Назаров, кимёвий экспертлар устаси, майор Эркин Жумаевлар жиноятларни «иссиқ изида» фош этишда фаоллик кўрсатаётганликларини айтиб ўтиш жоиз.

Давр биздан изланиш ва ўқиб-ўрганишни, жиноятларни фош этишнинг янги усулларини ўзлаштиришни талаб этмоқда. Шуни ҳисобга олиб, Адлия вазирлиги ҳузуридаги Х. Сулаймонова номидаги республика суд экспертизаси марказида 14 нафар, ИИВ Академияси малака ошириш факультетида эса 9 нафар ходимимиз ўқув йиғинларида иштирок этиб, малакаларини ошириб келишди. Бу келгусида вилоятда соҳавий хизмат самарадорлигини янада оширишда муҳим ўрин тутишига шубҳа йўқ.

 

Жасурбек ПАРДАЕВ,

вилоят ИИБ ЭКБ бошлиғи, подполковник.

Ўхшаш мақолалар

Ҳаммасино кўриш►

71

Сонларни танлаш

08 декабр, Шанба  
71 70 69 68 67 66 65
64 63 62 61 60 59 58
57 56 55 54 53 52 51
50 49 48 47 46 44 43
42 41 40 39 38 37 36
35 34 33 32 31 30 29
28 27 26 25 24 23 22
21 20 19 18 17 16 15
14 13 12 11 10 9 8
7 6 5 4 3 2 1

Ҳаммасини кўриш ►

Хабарлар

БОШ ҚОМУСИМИЗ – ФАРОВОН ҲАЁТИМИЗ АСОСИ

Тошкент вилояти ИИБда Конституциямиз қабул қилинган кун муносабати билан тадбир бўлиб ўтди.



Ҳаммасини кўриш ►

Кўп ўқилганлар

  • КАСБИМ БИЛАН ФАХРЛАНАМАН


    Йўл ҳаракати хавфсизлиги хизмати ходимлари саратоннинг иссиғи-ю, қишнинг чилласида ҳам ҳайдовчи, йўловчи ва пиёдаларнинг кўзлаган манзилларига соғ-саломат етиб олиши ҳамда йўлларда белгиланган тартиб-қоидаларга оғишмай назорат қилишига масъул.


    ✔ 7    🕔 11:31, 10.12.2018
  • САЙЁҲЛАР ХАВФСИЗЛИГИ ТАЪМИНЛАНМОҚДА


    Ўзбекистон Республикаси Президентининг «2017–2021 йилларда Хоразм вилояти ва Хива шаҳрининг туризм салоҳиятини комплекс ривожлантириш дас­тури тўғрисида»ги қарорига кўра, ички туризмни ривожлантиришга алоҳида эътибор қаратилди. Бу йўналиш бўйича амалга оширилиши лозим бўлган ишлар самарали давом этяпти.

    ✔ 4    🕔 11:23, 10.12.2018
  • ДОИМО ЁРДАМГА ШАЙ


    Хизматингдан кимдир мамнун бўлиб, миннатдорлик билдирса, кўнглинг тоғдек кўтарилади, ишга бўлган иштиёқинг ортади. Фаолиятимиз давомида бунга кўп бор амин бўлганмиз. Албатта, бунда ходимларимиз қаторида, беминнат кўмакчимизга айланган хизмат итларининг ёрдами катта бўлган.


    ✔ 24    🕔 12:09, 03.12.2018
  • МАҲОРАТНИ ИШГА СОЛИБ


    Жиноят жойида кўзга аранг кўринадиган зарра ҳам тилсиз гувоҳга айланади. Бу кўп йиллик тажрибаларда ўз исботини топган.

    ✔ 28    🕔 12:08, 03.12.2018
  • Ишонч масъулият юклайди


    Ички ишлар органларининг қўриқлаш хизмати фаолиятига баҳо берилганида, аввало, қўриқланаётган объектларда ўғрилик, ёнғин ва шунга ўхшаш нохуш ҳолатларнинг рўй бергани ёки бермагани инобатга олинади. 

    ✔ 31    🕔 12:07, 03.12.2018
  • ҲУШЁРЛИК – ОСОЙИШТА ҲАЁТИНГИЗ ГАРОВИ


    Куз-қиш мавсумида аксарият фуқароларимиз томонидан хонадонларни қўшимча равишда иситиш чораларини кўриш ҳоллари оммалашади.


    ✔ 24    🕔 12:06, 03.12.2018
Ҳаммасини кўриш ►
;