КИНОФЕСТИВАЛНИНГ ОЧИЛИШИ ВА «SCORPION» ФИЛЬМИ ПРЕМЬЕРАСИ

12:17, 03.12.2018
КИНОФЕСТИВАЛНИНГ ОЧИЛИШИ ВА  «SCORPION» ФИЛЬМИ ПРЕМЬЕРАСИ

27 ноябрь куни Алишер Навоий номидаги давлат академик катта театрида «PROlogue–2018» халқаро кинофестивали ўз ишини бошлади.



 «PROlogue» IV халқаро кинофестивали Ўзбекистон Ёшлар иттифоқи марказий кенгаши томонидан «Ўзбеккино» миллий агентлиги, Тошкент шаҳар ҳокимлиги, Кинематографияни ривожлантириш маркази, Ёш кинематографлар кенгаши ва Ўзбекистон Миллий кинокомиссияси ҳамкорлигида ташкил этилди.

Конкурс дастурига актёрлар иштирокида суратга олинган тўлиқ, қисқа ва миллий қисқа метражли бадиий фильмлар киритилди. Бир вақтнинг ўзида маҳорат сабоғи, давра суҳбатлари, анжуман ва бошқа тадбирлар ҳам ўтказилди.

Фестивалнинг тантанали очилиш маросимида кино оламининг таниқли намояндалари иштирок этди. Улар орасида россиялик актёрлар Владимир Меньшов, Сергей Шакуров, Михаил Пореченков, шунингдек, кинофестивал доирасида премьераси бўлиб ўтган «Scorpion» триллерида бош роллардан бирини ижро этган Россияда хизмат кўрсатган артист Фарҳод Маҳмудов ҳам бор.

Ёш режиссёр Мухлиса Азизованинг «Scorpion» фильмини суратга олиш ишлари Тошкент, Бухоро, шунингдек, Санкт-Петербург шаҳарлари ва Марокашда олиб борилди.

Картинада ёшлар жиноятчилиги, унинг оқибатлари мавзуси кўтарилган. Лойиҳа Ўзбекистон Ёшлар иттифоқи марказий кенгаши, «Ўзбеккино» миллий агентлиги, Ички ишлар вазирлиги, Миллий телерадиокомпания ва Кинематографияни ривожлантириш марказининг қўшма қарорига асосан амалга оширилди.

Фильм ижодкорлари гуруҳини халқаро деб аташ мумкин. Сценарийни яратишда америкалик кинодраматург Боб Андервуд иштирок этди, оператор вазифасини Макс Тсуи (Германия) бажарди. Овоз дизайни устида «Мосфильм» киноконцерни мутахассислари, ранглар коррекция­си бўйича Color Kitchen компанияси ишлади. Бош мусиқий композиция россиялик машҳур қўшиқчи Валерия томонидан ижро этилди. 

Фильм 1 декабрдан катта экранда намойиш этилади. «PROlogue» халқаро кинофестивали дирекциясининг айтишича, «Scorpion» фильми фестивалнинг конкурс дастурида иштирок этмай, унинг конкурсдан ташқари премьераси сифатида ўтади.

 

Ўз мухбиримиз.

 

Ўхшаш мақолалар

Ҳаммасино кўриш►

14

Сонларни танлаш

16 феврал, Шанба  
14 13 12 11 10 9 8
7 6 5 4 3 1

Ҳаммасини кўриш ►

Хабарлар

КАСБИЙ ТАЙЁРГАРЛИК ФАКУЛЬТЕТИ ТИНГЛОВЧИЛАРИ АМАЛИЁТДА

Давлатимиз раҳбарининг 2017 йил 16 августдаги қарори асосида Ички ишлар вазирлиги Академиясида Касбий тайёргарлик факультети ташкил этилган эди. Қарорга кўра, факультетга илк   бор олий ва ўрта махсус маълумотга эга номзодлар танлов асосида қабул қилинди.


Ҳаммасини кўриш ►
Подполковник Жабборов Санжар Бўронович – Андижон вилояти Ички ишлар бошқармаси бошлиғининг биринчи ўринбосари лавозимига

Кўп ўқилганлар

  • «ЮРАГИМДА ЯШАЙСАН, ЮРТИМ!»


    Ўзбек халқи яратган бой илмий-адабий мероснинг жаҳон халқлари мулкига айланишида Хоразмий, Беруний, Форобий, Ибн Сино, Мирзо Улуғбек, Лутфий, Алишер Навоий каби ўнлаб улуғ алломалар қаторида, Заҳириддин Муҳаммад Бобурнинг номи ҳам муносиб ўринни эгаллайди. Унинг ёрқин ижодий фаолияти, давлат, ижтимоий-сиёсий ҳаётдаги катта мавқеи авлодлар томонидан зўр ҳурмат-эҳтиром билан хотирлаб келинмоқда.


    ✔ 7    🕔 10:55, 18.02.2019
  • ЭЛГА ҚИЛСА БИР ЖАФО


    юз қатла фарёд айларам

    Агар рақамларга назар ташласак, Алишер Навоий яшаган давр билан бизни салкам олти асрлик вақт девори ажратиб туради.

    ✔ 35    🕔 12:23, 11.02.2019
  • ЭНГ МУҲИМ ВАЗИФА


    осойишталикни сақлаш, хавфсизликни таъминлашдир

    Ўзбекистон Республикаси Ички ишлар вазири, генерал-лейтенант Пўлат Бобожонов Жиззах вилоятига хизмат сафари давомида Жиззах шаҳар ИИОФМБга қарашли 3-сонли ички ишлар бўлими фаолияти билан танишаркан, унга вилоятда жамоат хавфсизлиги ва осойишталикни таъминлаш борасида амалга оширилаётган ишлар ҳақида батафсил маълумот берилди.

    ✔ 23    🕔 12:15, 11.02.2019
  • ИНСОН ШАХСИНИ  ТАСДИҚЛОВЧИ «МУҲР»


    Уильям Ҳершель XIX асрнинг охирларида Буюк Британиянинг Ҳиндистондаги маъмуриятида хизмат қиларди. У йилдан йилга маош олиш учун келадиган аскарлар сони кўпайиб бораётганига ҳайрон бўларди. 

    ✔ 41    🕔 10:38, 04.02.2019
  • МУҲИМ МАСАЛАЛАР МУҲОКАМАСИ


    2019 йилнинг 26 январь куни Ички ишлар вазирлигида жойлардаги кадрлар масалалари бўйича масъул ходимлар, ўз хавфсизлиги хизмати ҳамда соҳавий хизмат раҳбарлари иштирокида ўтган йилги фаолият якунлари ва жорий йилда амалга оширилиши назарда тутилган масалаларга бағишланган видеоселектор йиғилиши бўлиб ўтди.


    ✔ 37    🕔 10:31, 04.02.2019
  • ЁШЛАРГА ПСИХОЛОГИК ЁРДАМ КЕРАК


    Барчамизга аён бир ҳақиқат бор: бола ҳеч қачон жиноятчи бўлиб туғилмайди. Уни эътиборсизлик ва носоғлом муҳит шу йўлга етаклаши мумкин. Фарзанд тарбияси хусусий иш эмас, балки ижтимоий масаладир.

    ✔ 53    🕔 12:18, 28.01.2019
Ҳаммасини кўриш ►
;