ҲАМКОРЛИК КУТИЛГАН НАТИЖАНИ БЕРМОҚДА

10:39, 04.02.2019
ҲАМКОРЛИК КУТИЛГАН  НАТИЖАНИ БЕРМОҚДА

Юртимизда секторлар фаолияти йўлга қўйилганидан буён фуқароларни қийнаб келаётган турли муаммоларга ўз ўрнида барҳам берилаётгани нафақат уларни қувонтиряпти, балки мустақил давлатимиздан рози бўлиб яшаш ҳамда эртанги куни янада сермазмун ва порлоқ бўлишига ишонч билан интилишга ундамоқда.



Бўка тумани ИИБ бошлиғи, полковник Илҳомбой Худойберганов раҳбарлик қилаётган учинчи секторга ўнта маҳалла биркитилган. Ушбу маҳаллаларда дастлабки кундан бошлаб аҳолининг турмуш тарзи, мавжуд ижтимоий муаммолар жиддий ўрганилди. Бу жараёнда кўчаларнинг ҳолати, узлуксиз тоза ичимлик суви, газ ва электр таъминоти, аҳоли банд­лигига эришиш масалалари ҳам назардан четда қолмади.

Аҳолининг доимий иш билан банд­лиги жиноятчиликнинг камайишида муҳим омил саналади. Буни яхши англаб етган сектор раҳбари кўмаги билан бир миллиард сўмдан ортиқроқ банк кредитлари олиниб, 8 та иссиқхона, 32 та паррандачилик, қуёнчилик ва ҳунармандлик шохобчаси ташкил этилди. Эндиликда уларда юзлаб ёшлар меҳнат қилиб, юрт тараққиётига муносиб ҳисса қўшишмоқда.

Учинчи сектор фуқароларнинг тадбиркорлик билан шуғулланишига ҳам имкон бермоқда: учрашувларда улардан тушаётган таклифлар инобатга олиниб, синов тариқасида ҳар бир маҳаллада биттадан тикувчилик цехи очилганди. Бугун уларда меҳнат қилаётган хотин-қизларнинг моҳир қўлларида тайёрланаётган маҳсулотлар нафақат тумандаги, балки бошқа жойлардаги бозорларда ҳам ўз харидорларини топмоқда.

– Ҳунарсиз бўлганим ва ёшим бир жойга бориб қолгани сабабли иш сўраб борган ташкилотларнинг бирортасидан жўяли фикр чиқмади. Шунда Даштобод маҳалласида туман ИИБ бошлиғи ўтказган йиғилишда дилимдагини айтдим. Шу жойнинг ўзида мутасаддиларга топшириқ берилди. Эртаси куни эса Бўкадаги чеварчилик корхонасига олиб бориб, икки ҳафта тикиш-бичишни ўргатиб, сўнг имтиёзли кредит билан тикув машиналарини олиб келиб беришди. Ҳозир қизим билан болалар ки­йим-кечакларини тикяпмиз. Бозорда харидорларимиз кўп. Рўзғоримизни бутлаб олдик, – дейди фуқаро Гулчеҳра Розиқова.

Йиллар давомида ўйдим-чуқур бўлиб кетган ички йўлларга асфальт ётқизилди. Оқбалиқ, Жағалабайли маҳаллаларидаги ташландиқ ҳолга келиб қолган сув иншоотлари «Бўкасувоқова» балансига киритилди ва аҳолининг тоза ичимлик сувига бўлган талаби қондирилди.

Ёшларнинг жисмонан соғлом бўлиб вояга етишиши масаласи ҳам сектор фаолиятининг асосий йўналишига айланди. Чунончи, 8 та мактабда спорт тўгараклари иши йўлга қўйилди. Натижада якунланган йилда туман ёшларидан беш нафари республика миқёсида ўтказилган мусобақаларда қатнашиб, ғолиб бўлишди.

Туман ҳудудида Бекобод шаҳри, Сирдарё вилояти ва Фарғона водийси, шунингдек, қўшни Тожикистон Республикасига ўтадиган йўллар бор. Кейинги йилларда бу ерга савдо-сотиқ ишлари билан ёки меҳмонга келиб, жиноят содир этганлар кўп бўлди ва жиноятларни «иссиқ изида» очиш бироз қийинлашди. Шу инобатга олинган ҳолда, Бўка – Бекобод йўналишидаги магистрал йўлнинг олтита жойига видеокузатув камералари ўрнатилди. Эндиликда туман ИИБ навбатчилик қисми онлайн тарзда тўғридан-тўғри кузатув олиб бормоқда. Шунингдек, туман ҳудудидаги 40 та маҳалла фуқаролар йиғинининг кириш кўчалари ва аҳоли гавжум жойларда жамоатчилик кузатув мас­канлари барпо этилди. Натижада ўтган йили жиноятчилик сезиларли даражада камайди. Сўнгги ўн йилда илк марта бундай ютуққа эришилгани учун ходимларнинг асосий қисми рағбатлантирилди.

Эътироф этиш лозимки, буларнинг бари ҳамкорликдаги ҳаракат самарасидир. Шунинг учун бу таж­риба жорий йилдан бошлаб барча туман ва шаҳарларда қўлланила бошланди.

 

Абдусами ҲАҚБЕРДИЕВ.

Тошкент вилояти.

Ўхшаш мақолалар

Ҳаммасино кўриш►

12

Сонларни танлаш

09 феврал, Шанба  
12 11 10 9 8 7 6
5 4 3 1

Ҳаммасини кўриш ►

Хабарлар

ҲАР ИШДА ТАШАББУСКОР ЎҚУВЧИЛАР

ИИВ Андижон академик лицейида малакали ўқитувчилар жамланган. Ўз навбатида, ўқувчилар ҳам ўтилаётган мавзуларни яхши ўзлаштириб, саф ва жисмоний тайёргарлик машғулотларида фаол иштирок этмоқда. 


Ҳаммасини кўриш ►

Кўп ўқилганлар

  • КИБЕРЖИНОЯТЧИЛИК – ГЛОБАЛ ХАВФ


    Мамлакатимизда ҳар бир фуқаронинг ўзи истаган ахборотни олиш ва ундан эркин фойдаланиш ҳуқуқи қонун билан кафолатланган. 

    ✔ 23    🕔 12:22, 11.02.2019
  • ТАНҚИДИЙ-ТАҲЛИЛИЙ РУҲДА


    Ўзбекистон Республикаси Ички ишлар вазири, генерал-лейтенант Пўлат Бобожонов жамоат хавфсизлигини таъминлаш, жиноятчиликка қарши курашиш, ҳуқуқбузарликларнинг олдини олиш, шунинг­дек, секторлар фаолиятини такомиллаштириш, аҳоли муаммоларини ҳал этиш борасида олиб борилаётган ишларни ўрганиш мақсадида Самарқанд вилоятида хизмат сафарида бўлди.


    ✔ 19    🕔 12:16, 11.02.2019
  • ҲАМКОРЛИК КУТИЛГАН  НАТИЖАНИ БЕРМОҚДА


    Юртимизда секторлар фаолияти йўлга қўйилганидан буён фуқароларни қийнаб келаётган турли муаммоларга ўз ўрнида барҳам берилаётгани нафақат уларни қувонтиряпти, балки мустақил давлатимиздан рози бўлиб яшаш ҳамда эртанги куни янада сермазмун ва порлоқ бўлишига ишонч билан интилишга ундамоқда.


    ✔ 29    🕔 10:39, 04.02.2019
  • ОТЧОПАРЛИКЛАРНИНГ ҚУВОНЧИ


    Андижон тумани ИИБ бошлиғи, подполковник Дониёр Ҳамидовга бириктирилган учинчи сектор ҳудудида 19 та маҳалла бор. Бу маҳаллаларда 60 мингга яқин киши истиқомат қилади.


    ✔ 28    🕔 10:30, 04.02.2019
  • ТАНҚИДДАН ХУЛОСА ЧИҚАРИЛДИМИ?


    ПАХТАКОР ВА ДЎСТЛИК ТУМАНЛАРИДА ПРОФИЛАКТИК ИШЛАР КУЧАЙТИРИЛМОҚДА

    10 январь куни Президентимиз Шавкат Мирзиёев раислигида мамлакатимиз тинчлиги ва жамоат хавфсизлигини таъминлаш, жиноятчиликнинг олдини олиш борасидаги келгуси вазифаларга бағишланган йиғилишда эришилган ютуқлар қаторида, йўл қўйилган хато ва камчиликлар ҳам айтиб ўтилиб, жиноятчиликни жиловлашни сифат жиҳатидан янги босқичга кўтариш зарурлиги таъкидланди.

    ✔ 52    🕔 12:20, 28.01.2019
  • Пўлат БОБОЖОНОВ:     ОДАМЛАР ТИНЧ ЯШАШИ УЧУН МАМЛАКАТИМИЗДА  ЖИНОЯТДАН ХОЛИ МУҲИТ ЯРАТИЛАДИ


    Президентимиз Шавкат Мирзиёев 2019 йилда мамлакатимизни ривожлантиришнинг энг муҳим устувор вазифалари тўғрисидаги парламентга Мурожаатномасида халқимиз тинчлиги ва хавфсизлигини таъминлаш, жиноятчиликнинг барвақт олдини олишга тўхталди.


    ✔ 80    🕔 12:59, 21.01.2019
Ҳаммасини кўриш ►
;