Юртимиз олий ўқув юртларида 2025/2026-ўқув йили қабули учун касбий (ижодий) имтиҳонлар ўтказилмоқда. Пойтахтимизнинг нуфузли олийгоҳларидан бири бўлган Камолиддин Беҳзод номидаги Миллий рассомлик ва дизайн институтида ҳам ижодий имтиҳонлар ўтказилди. Абитурентлар ўзлари танлаган рангтасвир, ҳайкалтарошлик, амалий санъат ва дизайн йўналишларида касбий (ижодий) имтиҳон топширишди.
– Жараённи кўнгилдагидек ўтказиш учун Миллий гвардия ходимлари билан ҳамкорликда абитурентларни пухта текширувдан ўтказмоқдамиз. Имтиҳонга олиб кириш тақиқланган предметлар назорат ўтказиш жойининг ўзида олиб қолиняпти. Шунингдек, шубҳали шахсини тасдиқловчи ҳужжатларни ҳам текширяпмиз, – дейди Миробод тумани ИИОФМБ 3-сонли ИИБ ҲПБ Камолиддин Беҳзод номидаги Миллий рассомлик ва дизайн институти профилактика инспектори Жасур Мамбетов.
Бу ерда абитурентлар ва уларнинг ота-оналари учун имтиҳон жараёнларини кузатиб туриш учун ҳовлига бир нечта монитор ўрнатилган.
Абу КЕНЖАЕВ,
фотомухбир.