ППХ баталёни 2-отряди командири, маёр Эркин Шодмонов зудлик билан ҳудудга сафдорлар Қувончбек Бобоноров ва Алижон Норбўтаевни юборди. Ходимлар шубҳали шахсни чўчитиб юбормаслик учун маши­нада унинг ёнидан зув этиб ўтиб кетишди. Бу ҳолат эса уни бироз хотиржам қилди.  

– Машинамизни пана жойда қолдириб унинг ҳаракатини кузатдик. Чунки бундай пайтда асосий эътибор фуқаролар хавфсизлигини таъминлашга қаратилиши керак. Мабодо унинг сумкасида совуқ қурол бўлса, қўлга олиш жараёнида бегуноҳ кишилар жабрланиши мумкин. Шу боис биз уни фуқаролар камроқ жойга чиққунга қадар яширинча кузатиб турдик. Албатта, 

у бизни кўриши биланоқ қочишга уринди. Лекин тезкор ҳаракат қилиб қўлга олдик, – дейди сафдор 

Қувончбек Бобоноров. – Машинага ўтқизганимизда у «Йигитлар келишайлик» деб, бизга пул таклиф қилди. Бу унинг қидирувдаги шахс эканлигини яна бир карра тасдиқлади. 

Дарҳақиқат, гумонланувчи вилоят ИИБ Тезкор бошқарув марказига олиб борилиб, у қидирувда бўлган фуқаро М.Х. эканлиги аниқланди.

Умида МАМАДАЛИЕВА,

ўз мухбиримиз.

Самарқанд вилояти.