Вилоят ички ишлар органлари ходимлари оилалари ўртасида «Намунали оила» кўрик танлови ўтказилди. Унда вилоят Иибнинг таркибий тузилмалари ва ҳудудий бўлинмаларидан ички ишлар органларида камида 5 йил амалий иш стажига эга, оила қурганига 8 йил тўлган, амалдаги интизомий жазоси бўлмаган жами 5 та оила иштирок этишди.
Кўрик-танлов шартларини бажаришда иштирокчилар ўз истеъдод ва қобилиятларини моҳирлик билан намойиш этишди. Натижаларга кўра, Ангор тумани ИИБ ЖХХ ҲПБ профилактика инспектори, капитан Фурқат Қувватовнинг оиласи 1-ўринга, Термиз шаҳар ИИБ 1-сон ИИБ навбатчилик қисми катта инспектор–навбатчиси, катта лейтенант Фарҳод Дулановнинг оиласи 2-ўринга, Шеробод тумани ИИБ ЖХХ ҲПБ ижтимоий профилактика катта инспектори, маёр Элмурод Нормуродовнинг оиласи 3-ўринга муносиб кўрилди. Ғолиблар диплом ҳамда эсдалик совғалари билан тақдирланди.
Ўз мухбиримиз,
Сурхондарё вилояти.