Эртаси куни бармоқ изларининг яроқлиларини ажратиш ҳамда дактилоскопик базадаги излар билан таққослашни ўргатганди. Мабодо ишим кўнгилдагидек чиқмаса, ўша вазифани қайта-қайта бажаришга ундарди. Шу тарзда Жиззах вилояти ИИБ Экс­перт-криминалистика маркази эксперти, капитан Келдиёр Алибековнинг шогирди сифатида соҳанинг нозик сирларини ўзлаштира бошлагандим. 

У нафақат чуқур билими, балки самимий ҳамда очиқкўнгиллиги билан мени қойил қолдирарди. Шу маънода ундаги эзгу хислатларни ўзимга юқтиришга астойдил интилганман. Назаримда, Келди­ёр ака ички ишлар органлари тизимида фаолият юритмагани­да, албатта, ажойиб ўқитувчи бўларди. 

Яна унинг ҳамма ишга улгуриши бизни ҳайратга солади. Чунончи, навбатчилигининг эртаси куни воқеа жойига отланганига кўп бора гувоҳ бўламан. Шунингдек, экс­перт-криминалистлар ўртасида ўтказиладиган кўрик-танловларга тайёргарлик кўриш ва қатор ютуқларни қўлга кири­тишнинг уддасидан чиқади. Жиноятларни фош этиш борасидаги муваффақиятлари ҳақида гапирмаса ҳам бўлади. 

Табиийки, саъй-ҳаракатларига яраша ИИВ ҳамда вилоят ИИБ томонидан кўп бора фахрий ёрлиқ ва ташаккурномалар билан тақдирланган. Кўксини «Ички ишлар органларида бенуқсон хизматлари учун», «Аъло хизматлари учун» кўкрак ни­шонлари безаб турибди. Оиласи ҳам ҳавас қилгудек. Фарзандларидан бири пойтахтдаги Божхона институтида, бошқаси ИИВ Жиззах академик лицейида таълим олаётир.

Ҳозирда Жиззах вилояти ИИБ Эксперт-криминалистика маркази бош эксперти, 

подполковник Келди­ёр Алибековнинг мен каби ўндан ошиқ шогирдлари бор. Шу маънода шахсий таркибимиз 

21 йиллик тажрибага эга устозимизни беҳад қадрлайди. Хусусан, мен соҳада неки ютуққа эришган бўлсам, барчасида Келдиёр ака­нинг ҳиссаси бор, деб ўйлайман. Ҳамон устозимдан билмаганларимни сўрайман.

Дилафрўз ПАРДАЕВА,

подполковник.

Жиззах вилояти.

Суратда: Жиззах вилояти ИИБ бош эксперти, подполковник Дилафрўз Пардаева устози, подполковник Келдиёр 

Алибеков билан.