Тергов-тезкор гуруҳи таркибида воқеа жойига чиққан ҳар бир эксперт-криминалистдан синчковлик ва зийраклик талаб этилади. Бу жиҳатларни яхши ўзлаштирган, устозлари­дан касб сирларини мукаммал ўрганган лавҳамиз қаҳрамони хизмат йиллари давомида кўплаб жиноятларнинг «иссиқ изида» очилишида иштирок этди.

Хусусан, жорий йилнинг ўтган даври мобайнида у тергов-тезкор гуруҳи таркибида 30дан ортиқ воқеа жойини кўздан кечиришда қатнашиб, 

64 та ашёвий далил тадқиқотини ўтказди. Шунингдек, воқеа жойларидан олинган излар, дактокарталар, гувоҳлар, жабрланув­чилар ва бошқалар сўзидан тузилган фотороботлар, шахси номаълум мурдалар, яшаш жойи ноаниқ бўлган шахслар­нинг фотосуратларини ўз вақтида «АДИС-СОНДА», «ДОСЕ» тизимларига киритиб бормоқда. «Попиллон» рақамли технологияси дастурий тизимига 1180 та қўл ва кафт излари туширилган дактокарталарни киритган. Қўл бармоқ излари орқали 3 та ва «Полифасе» дастурий тизими орқали 2 та жиноятни очишда қатнашган.

Эксперт-криминалист ва терговчининг иши бир-бирига чамбарчас боғлиқ. Туман ИИОФМБ ҳузуридаги Тергов бўлими терговчиси, катта лейтенант Эркин Зиё­беков фаолияти давомида бир неча бор подполковник Зафар Шермуҳамедов билан ҳамкорликда тергов-тезкор гуруҳи таркибида воқеа жойига чиққан. У йил бошидан бу­ён жами 18 та жиноят ишини юритув­га олган бўлса, шундан 7 тасини судга оширди.

Ота ҳаётда фарзанди учун тоғдек таянч. Ўғлининг тетапоя бўлишида ва жамиятда ўз ўрнини топишида йўлчи юлдуздир. Эркиннинг падари бузруквори – Нурлан Бикбаум ички ишлар органи ходими сифатида ўғлига ҳам ота, ҳам устозлик қилган. У ИИВ Малака ошириш институти курс бошлиғи. Қаҳрамонимиз дастлабки йўл-йўриқ ва кўникмаларни отасидан олган бўлса, кейин ИИВ Академиясида олган таълими, қолаверса, устозлари ҳамда ҳамкасбларидан ўрганган билимларини қўллаб, тергов ва суриштирув ишларини олиб бормоқда. 

Тергов ва эксперт-кримина­лист тандеми кўпгина мураккаб жиноятларни очишда қўл келади. Бу икки ходимнинг ҳамкорликдаги хизмати натижалари ҳам ёмон бўлаётгани йўқ. Улар ҳудуд тинчлик-

осойишталиги учун ўз ҳиссасини қўшишяпти.

Сарвар СОБИРОВ,

ўз мухбиримиз.

Тошкент шаҳри.