Айни кунларда вилоят ички ишлар органлари ходимлари чегара ҳудудлари, бозорлар, савдо марказлари, кўнгилочар масканлар ҳамда таълим муассасаларида пиротехника воситалари билан боғлиқ қонунбузарликларнинг олдини олишга қаратилган рейдлар ўтказишмоқда. Натижада бугунгача 89 та қонунбузарлик аниқланиб, ҳуқуқбузарлардан қиймати 127 миллион 318 минг сўмлик пиротехника воситалари олинган.
Ўз навбатида, 1 киши жиноий жавобгарликка тортилган. Шунингдек, 69 та маъмурий баённома расмийлаштирилиб, 12 миллион 700 минг сўм миқдорида жарима жазоси қўлланилган. 19 та ҳолат бўйича тўпланган ҳужжатлар судларга ўтказилган.
Алижон АБДУСАТТОРОВ,
ўз мухбиримиз.
Жиззах вилояти.