Пиротехника воситаларини қонунга хилоф равишда ишлаб чиқариш, тайёрлаш, сақлаш, ташиш, жўнатиш, фойдаланиш, худди шунингдек, уларни қонунга хилоф равишда ўтказиш билан боғлиқ ҳуқуқбузарликларни аниқлаш ва бартараф этиш бўйича Хоразм вилояти ИИБ ходимлари томонидан ҳам бир қатор тезкор тадбирлар амалга оширилмоқда.
Жорий йилнинг ўтган даври мобайнида вилоят ички ишлар органлари ходимлари томонидан 57 та ана шундай турдаги ҳуқуқбузарлик ҳолатлари аниқланиб, қонунбузарлар белгиланган тартибда маъмурий жавобгарликка тортилди.
Жумладан, шу йилнинг 4 декабр куни профилактика инспектори ва йўл-патрул хизмати инспектори томонидан ўтказилган ҳамкорликдаги рейд тадбири натижасида пиротехника воситаларини қонунга хилоф равишда муомалага киритишни режалаштирган шахсларнинг қилмиши фош этилди.
Айни пайтда пиротехника воситалари билан боғлиқ бўлган қонунбузарлик ҳолатларини аниқлаш борасидаги тезкор тадбирлар давом этмоқда.
Худойберган ЖАББОРОВ,
“Постда” мухбири.