Бухоро вилояти ички ишлар органлари ходимлари ўртасида “Энг яхши маънавий-маърифий ишлар тарғиботчиси”, “Энг яхши профилактика инспектори” ҳамда шаҳар-туман ИИБ бошлиқлари иштирокида “Энг яхши ҳудудий ички ишлар органи бошлиғи” кўрик-танловларининг вилоят босқичи бўлиб ўтди. Танловларда иштирокчилар дастлаб ўзларининг жисмоний тайёргарликларини синовдан ўтказиш мақсадида тўсиндан тортилиш ва 100 метрга югуриш машқларини бажаришди. Шундан сўнг, “Макаров” пистолетини тўлиқ қисмларга ажратиш ва йиғиш ҳамда ундан 50 метр масофага отиш машқлари бажарилди.
Бундан ташқари, иштирокчилардан ИҚ ва индивидуал психологик хусусиятларини ҳамда билим даражасини аниқлашга қаратилган электрон тест синовлари олинди. Ғолиблар танловнинг республика босқичида иштирок этиш учун йўлланмани қўлга киритишди.
Авазбек ИНОМОВ,
подполковник.
Бухоро вилояти.