Ички ишлар вазирлиги Касбий тайёргарлик бошқармаси Ўқув-дала марказида Малака ошириш институтида бошланғич касбий тайёргарлик ўқув курсларида таҳсил олаётган ходимларнинг қасамёд қабул қилиш маросими ўтказилди. Унда Институт жамоаси, фахрийлар, кенг жамоатчилик вакиллари ва оммавий ахборот воситалари ходимлари иштирок этди.
Тадбирда Институт бошлиғи, техника фанлари номзоди, доцент, полковник Олимжон Ахмедов сўзга чиқиб, барчани яқинлашиб келаётган Ўзбекистон Қуролли Кучлари ташкил этилганининг 31 йиллиги ва Ватан ҳимоячилари куни муносабати билан табриклади.
Тадбирда сўзга чиққанлар ҳам ходимларнинг келгуси хизмат фаолиятларига муваффақият тилаб, амалга оширилган кенг кўламли ислоҳотлар натижасида профессионал асосдаги ички ишлар органлари шакллангани, Ватанимиз мустақиллиги, халқимиз тинч-осойишта ҳаётининг ишончли кафолатига айланганини алоҳида қайд этди.
Махсус ўқув курсида аъло кўрсаткичларга эришган ва жамоат ишларида фаол иштирок этган бир гуруҳ тингловчиларга Институт раҳбариятининг фахрий ёрлиқлари ва ташаккурномалари топширилди.
ИИВ Малака ошириш институти матбуот хизмати.