Давлат ва жамият ҳаётида фаол иштирок этаётган, ҳар жиҳатдан ибратли, истеъдодли аёлларни аниқлаш, уларнинг фаолиятини кенг жамоатчиликка яқиндан таништириш, илғор иш тажрибасини оммалаштириш, аёллар орасида профессионаллик, ишбилармонлик, рақобатбардошлик муҳитини шакллантиришга имкон бериш ва билим даражасини ошириш учун зарур шарт-шароитлар яратиш мақсадида аёллар учун ҳар йили “Йил аёли” миллий танловининг ўтказилиши анъанага айланган.
Танлов орқали мамлакатимиз ижтимоий-иқтисодий ривожланишига ўзининг улкан ҳиссасини қўшиб келаётган, юксак маънавиятли, оилада ва фарзанд тарбиясида ибрат бўлиб келаётган, ўзи фаолият кўрсатаётган соҳа нуфузини оширишда фаол иштирок этаётган турли соҳа эгалари бўлган хотин-қизларни қўллаб-қувватлаш мақсад қилинган. Навоий вилоятида ҳам кўрик танловнинг вилоят босқичи бўлиб ўтди.
Танлов 11 та номинасия бўйича ташкил этилди.
“Йилнинг энг ватанпарвар аёли” номинациясида ватанимиз тинчлигини асраш йўлидаги муносиб хизмати, хотин-қизлар ўртасида жиноятларнинг олдини олиш, оилалар фаровонлигини таъминлаш йўлида хизмат олиб бораётган Ички ишлар, Прокуратура, Мудофаа, чегара қўшинлари, Миллий гвардия, Давлат хавфсизлик хизмати, Солиқ, Фавқулодда вазиятлар, Божхона ходималари иштирок этишди. Вилоят ИИБ ММИ ва КБТХ маънавий-маърифий ишлар бўлими психологик таъминлаш гуруҳи бош психологи капитан Мавлуда Орзиева кўрик танловнинг вилоят босқичида ғолиб бўлиб, республика босқичига йўлланмани қўлга киритди.
Маҳлиё Холова,
ўз мухбиримиз.