Denov tumani IIB Ekspert-krimina­listika guruhi katta eksperti, kapitan Olimjon Vahobov hamda tuman IIB HPB xotin-qizlar masalalari boʻyicha inspektori, kapitan Guljamol Elmurodovalarning oilasi yaqinda ibratli oila sifatida tuman hokimligi tomonidan taqdirlandi.

Oilaboshi Olimjon Vahobov IIV 

Akademiyasini tamomlab, 2018-yildan ichki ishlar organlarida ekspert-kriminalistika yoʻnalishida xizmat qilmoqda. U oʻzining tirishqoqligi, kasbini puxta bilishi bilan kasbdoshlari orasida hurmat qozongan. Hozirda tuman IIB Eks­pert-kiriminalistika guruhi katta eks­perti lavozimida faoliyat koʻrsatayotgan O.Vahobov tezkor-tergov guruhi bilan voqea joylariga chiqib, koʻplab jinoyatlarning fosh etilishida jonbozlik koʻrsatgan. Jumladan, birgina joriy yilning oʻtgan davri mobaynida u 

91 marotaba tergov harakatlarida faol ishtirok etgan. 

Kapitan Guljamol Elmurodova ham hududdagi xotin-qizlar muammolarini yechish, oilaviy nizolarga barham be­rish, ayollar oʻrtasida jinoyatchilikning oldini olish boʻyicha koʻplab natijalarga erishib kelmoqda. 

Muhimi, juftlik ham xizmat faoliyatida, ham oilaviy hayotda bir-birini tushunib, qoʻllab-quvvatlagan holda boshqalarga namuna koʻrsatmoqda. 

Feruza RAHMONQULOVA,

oʻz muxbirimiz.

Surxondaryo viloyati.