Amaliyotda ishtirok etayotgan har bir kursantga tajribali xodimlar – murabbiylarga biriktirildi. Shuningdek, ularga amaliyot davrida
xizmat intizomi va qonunchilik talablariga qatʼiy rioya etilishi yuzasidan tushuntirishlar berildi. Sohaviy xizmatlarga jalb qilingan kursantlar amaliyot jarayonida nazariy bilimlarini amalda qoʻllash bilan birga, jamoat xavfsizligini taʼminlash, jinoyatchilikka qarshi kurashishda ham faol ishtirok etishyapti. Kursantlar tomonidan bajarilgan amaliyot natijalari har oʻn kun yakuni boʻyicha tahlil qilinib, amaliy yordam, zarur koʻrsatma va maslahatlar berib borilmoqda.
– Viloyat IIB Maʼnaviy-maʼrifiy ishlar va kadrlar bilan taʼminlash xizmatida amaliyot oʻtayapman, – deydi kursant Asadbek Ibragimov. – Bu yerda xodimlarning xizmat faoliyatini, tarbiyaviy-psixologik taʼminlash yoʻnalishini sinchkovlik bilan oʻrganib, bilim va malakamni
oshirishga harakat qilyapman. Qolaversa, kursantlar bilan ichki ishlar organlarida oʻtkazilayotgan maʼnaviy-maʼrifiy, profilaktik-targʻibot tadbirlarida ham qatnashyapmiz. Amaliyot davrida olgan bilim va koʻnikmamiz kelgusidagi xizmat faoliyatimizda muhim ahamiyat kasb etadi.
Viloyat IIB rahbariyati hamda IIV Akademiyasining tajribali pedagoglari tomonidan kuzatib borilmoqda. Oʻquv mashgʻulotlari yakunlangach, kursantlardan amaliyot jarayoni boʻyicha sinovlar qabul qilinishi rejalashtirilgan.
Xudoybergan JABBOROV,
oʻz muxbirimiz.
Xorazm viloyati.
Suratda: viloyat IIB MMI va KBTX katta psixolog-poligrafologi, katta leytenant Oybek Otaniyozov kursant Asadbek Ibragimov bilan amaliyot jarayonida.