U tanishlari orqali ijaraga uy topdi. Kelishilgan pul toʻlanmasa, uyni boʻshatib qoʻy, deyishi

 tayin. Lobarda ham shunday boʻldi. Ammo qilgan ishidan vijdoni biroz qiynal­gan uy egasi tanishlarining maslahati bilan Narpay tumani IIB JXX HPB xotin-qiz­lar masalalari boʻyicha katta inspektori, katta leytenant Matluba Ela­monovaga qoʻngʻiroq qilib, vaziyatni tushuntirdi. Inspektordan «Darhol menga xabar berishingiz kerak edi, homilador ayolga biron nima boʻlsa...» degan taʼkidni eshit­gach, Lobarni oʻzi qidirishga tushdi. 

– Biz Lobarni ikki farzandi bilan ta­nish opasi­ning uyi­dan topdik, – deydi katta leytenant Matluba Elamono­va. – Uning oy-kuni yaqin edi. Ayol bilan suhbat ja­rayonida maʼlum boʻldiki, oilada oldindan kelishmovchiliklar boʻlgan. 

Lobarning qaynonasi bilan suhbatlashishganimizda, u kelinini ham, nabiralarini ham uyiga kiritmasligini aytib, jahl bilan chiqib ketdi. Shu orada Samarqand shahridagi «Ona va bola» markazida Lobarning koʻzi yoridi. 

Bugun Lobar Ayollarni ijtimoiy himoya qilish rea­bilitatsiya markazida 

3 nafar farzandi bilan yasha­yapti. Mazkur markazda huquqiy savodxonligi yoʻqligi va boshqa sabablar tufayli turmushning koʻp mushtlariga duch kelgan ayollar uchun zarur shart-sharoitlar yaratilgan. Unga mutasaddilar va katta leytenant Matluba Elamonova tufayli barcha hujjatlar rasmiylashtirilib berildi. 

– 57 ta mahalladagi 

50 mingdan ortiq oilalarda 102 ming nafardan ziyod xotin-qizlar istiqomat qiladi, – deydi Matluba Ela­monova. – Men ana shu xotin-qiz­larning turmush tarzi, 

yashash sharoiti, muammolarini oʻrganish, mavjud muam­molariga yechim topishni birinchi galdagi vazifam deb bilaman. Oʻtgan yili tazyiq va zoʻravonlikdan jabrlangan 119 nafar xotin-qizga himoya orderi berildi. Buzilish yoqasiga kelib qolgan 73 ta oila yarashtirildi. Koʻplab xotin-qizlarning nizolari bartaraf etildi.

Lavhamiz qahramoni biz bilan suhbatda aslida oila ostonasidan tashqariga chiqqan bu taxlit muam­molarni hal etish oson ish emasligini taʼkidladi. Ammo mahalla yettiligi, hamkor tashkilotlar koʻmagida chora-­tadbirlar turli sabab va oqibatlarga yechim topishda qoʻl kelib, oilalarda sogʻlom muhit hukm surishiga asosiy omil boʻlib xizmat qilayotganini taʼkidladi.

Taqdir – sinovli yoʻl. Kim­ning odimlari ravon, kimdir esa nimadir sabab bilan qoqiladi. Shunday pallalarda katta leytenant Matluba Elamonova singari ezgu maqsad bilan qoʻl uzatguv­chi xodimalarning boriga shukur. 

Gulnoza 

TURGʻUNBOYEVA,

 oʻz muxbirimiz.