(8 ноябрдан 14 ноябргача)
Қўй. Ҳафта бошида кутилган натижалар ўзини оқламайди, лекин чоршанбадан кейин ҳам шахсий ҳаётда, ҳам ишда ижобий ўзгаришлар кузатилади. Бунинг учун фидойилик ва фаоллик намоён этиш, масъулиятни зиммага олишдан чўчимаслик лозим. Келаётган ҳафтада оилавий масалаларни ҳал этиш учун яхши имконият туғилади, бунинг учун сиздан алоҳида кузатувчанлик талаб этилади.
Бузоқ. Бу давр, умуман олганда, омадли кечади. Иш одамларини қизиқарли таклиф, ёлланма ишчиларни яхши мукофотли янги лойиҳа кутмоқда, ижодий шахслар ва эркин фаолият юритувчилар эса доимий ишга эга бўлишади. Дам олиш кунлари сизни ёқимли совға ва яқинлар билан учрашув кутмоқда.
Эгизаклар. Ҳафта ўрталарида узоқ кутилган қарзингизни қайтаришади ёки кўп маошли ишга таклиф оласиз. Жума кунидан кейин иш жойида тушунмовчиликлар, молиявий қийинчиликлар ва оилада муаммолар кузатилиши мумкин. Бунга сиз томондан масъулиятнинг сустлашиши ва интизомга амал қилмаслик сабаб бўлади.
Қисқичбақа. Келаётган ҳафта омадсизлик билан бошланади. Бироқ асло тушкунликка тушманг ва асабийлашманг, чунки ҳафта ўрталарида вазият барқарорлашиб, кўнглингиз анча таскин топади. Дам олиш кунлари мириқиб ҳордиқ олишга эътибор қаратинг. Шанба ва якшанба кунлари оила аъзоларингиз билан табиат қўйнига сайрга чиқиш ёки биргаликда меҳмонга бориш учун мақбулдир.
Арслон. Сизни иш ва ташвишларга бой ҳафта кутмоқда. Ҳафта ўртасида кузатилган пул тушуми кўпгина муаммоларни ҳал этишга хизмат қилади. Оила аъзолари билан бироз тортишиб қолишингиз мумкин. Куч-қувватингизни фойдали ишга йўналтиришни уддалай олмасангиз, бундан асло аччиқланманг, яхшиси спорт билан шуғулланинг ёки ҳафта сўнгида дам олишни канда қилманг.
Паризод. Ҳафтанинг илк кунлари деярли ҳар жабҳада сизга омад кулиб боқади. Бу вақт ичида яхшигина даромадга эга бўлишингиз, яқин дўстингиз кутилмаган амали билан сизни қувонтириши мумкин.
Тарози. Душанба ва сешанба кунлари қийинчиликларга шай туринг. Иш жойида муаммолар кузатилиши мумкин. Ҳафта ўрталарида истиқболли танишув ва бирон тадбирга таклиф кўринишида ёқимли совға кутмоқда. Дам олиш кунлари қисқа муддатга бўлса ҳам табиат қўйнига сайрга чиқинг.
Чаён. Ҳафта омадли кечади. Сиз керак вақтда керакли жойда бўласиз, фойдали танишувлар эса келгуси ҳаётингизда асқатиши тайин. Ўз фикрингизни билдиришдан ёки бирон ҳаракат қилишдан чўчиманг. Ҳар бир ишга ўзингизга кучли ишонч билан киришинг. Дам олиш кунларини дўстлар ва яқинлар даврасида ўтказинг.
Ўқотар. Душанба куни истиқболли таклиф олишингиз, сешанбада эса эски танишингиз билан кутилмаган учрашув кузатилиши мумкин. Ҳафта ўрталарида бирон бир молиявий ўйинда иштирок этишни таклиф қилганларга ишонч билдирманг.
Тоғ эчкиси. Келаётган ҳафтада барча йўналишларда муваффақият қозонасиз. Сиз ўз кучингизга ишонасиз ва буни атрофдагилар ҳам кўришни бошлайди. Ҳафтанинг иккинчи ярмида тақдирингизни ўзгартиришга қодир қарор олишингиз мумкин. Имкон қадар ўзлигингизни асрашга, бошқаларнинг маслаҳати билан иш тутмасликка ҳаракат қилинг.
Қовға. Киришимли ва фаол шахс сифатида ҳаётингизга фойдали ва қизиқарли инсонларни жалб қиласиз. Бу ҳафта сизни янги ҳодисалар ва ўзгаришлар кутмоқда. Бу даврда ўзингизни яхши ҳис қиласиз, саломатлик билан боғлиқ муаммолар кузатилмайди. Дам олиш кунлари янги танишлардан меҳмондорчиликка таклиф олишингиз мумкин.
Балиқ. Хизмат жойида барча ишлар барқарор кечади, молиявий муаммолар анча вақтгача безовта қилмайди. Ҳаётини ўзгартиришни анчадан бери орзу қилаётганларни ёқимли янгиликлар кутмоқда. Бунга эришиш учун эса хато қилишдан чўчимаслик, ўзига бўлган ишончни орттириш лозим.