Бир куни Наполеон Франсия флотини буғ билан ҳаракатланувчи кемалар билан жиҳозлашни таклиф қилган ихтирочи Роберт Фултонни қабул қилибди.
– Бу ҳарбий кемалар билан сиз Англияни яксон қиласиз, – деди ихтирочи.
Уни тинглагач, Наполеон деди:
– Ҳар куни менга бир-биридан аҳмоқона лойиҳаларни олиб келишади. Кеча инглиз соҳилига митти делфинларга ўрнатилган кавалерия ёрдамида ҳужум қилишни таклиф қилишганди. Кетинг! Сиз ҳам, афсуски, ўша ақлдан озганлардан бирисиз!
Бир неча йилдан кейин кема тахтдан ажралган императорни Муқаддас Елена оролига олиб кетарди. Денгизда уларга буғ билан ҳаракатланувчи «Фултон» пароходи дуч келди. У катта тезликда аста ҳаракатланаётган кемани қувиб ўтди. Америка пароходини ўз кўзлари билан кўргач, Наполеон афсус билан шундай деди: – Ихтирочи Фултонни ҳайдаб юбориб, мен ўз тожимдан айрилдим.