Куни кеча рафиқам шафтоли олиш мени учун дўконга жўнатди. Кетишим олдидан менга йирик, эзилмаган ва эскирмаган мевалар танлашимни тайинлади.
Дўконга кириб, шафтолиларни бир-бир қўлимга олиб кўздан кечира бошладим. Ҳаммаси ранги қочган, эзилган ва бироз эскирган. Шунда кўз қирим билан нариги қаторда бир эркак ҳам шафтоли танлаш билан овора эканини пайқадим. У томонда тўпланган маҳсулотлар йирик, яхши пишган ва иштаҳаочар эди.
Хаёлан у нари кеца, шу уюмдан олишни ўйладим. Шунчаки, хўжакўрсинга меваларни қўлимга бир-бир олиб кўрдим, аслида зимдан уни кузатиб, танловини тугатишини ва узоқлашишини кутдим. У нодон эса, аксига олиб, куймалангани-куймаланган. Тахминан беш дақиқа сабр қилиб турдим, у кишимга гоҳ бу шафтоли ёқмайди, гоҳ униси. Ахийри, чидай олмадим, жаҳлим чиқиб бутун гавдам билан шартта у томонга ўгирилдим, ўнгда эса... кўзгу бор эди.
Рус тилидан Гулчеҳра АЗИМОВА таржимаси.