Роберт Пири Шимолий қутбга қадам босган илк инсон ҳисобланади. Аммо мазкур ном учун яна битта даъвогар ҳам бўлиб, унинг исми Фредерик Кук эди. У Шимолий қутбга Пиридан бир йил олдин етиб келганини даъво қилган. Экспедисиядан қайтгач эса бир неча ой давомида музликларда ушланиб қолган ва Гренландия соҳилидаги Анноаток шаҳрига етиб борганида Пири 8 ой олдин қутбга йўл олганидан хабар топган.
Америкага тезроқ қайтиш иштиёқида ёнган Кук пароходга ўтириши мумкин бўлган энг яқин шаҳарга боришни режалаштирган ҳамда ортиқча юкларини янги таниши Гарри Уитнига қолдирган. У Кукнинг ёзишмалари ва асбоб-ускуналарини Нъю-Ёркка етказишга ваъда берган.
Анноатокга келган Пири Кукнинг муваффақиятидан хабар топган ва Кукнинг барча нарсаларини Гренландияда қолдириш шарти билан Уитнининг ўзи билан бирга сафарга чиқишига рози бўлган. Америкада қутбнинг забт этилганлиги ҳақидаги иккала хабар ҳам бир вақтнинг ўзида пайдо бўлган. Лекин Кук ўз сўзларини ҳужжатлар билан тасдиқлай олмаган ва натижада барча шон-шараф Пирига насиб этган. Кейинчалик унинг ҳисоботлари ҳам сўроқ остига олинган. Хуллас, Шимолий қутбни ким кашф этганлиги ҳанузгача мунозарали масала бўлиб қолмоқда.