ИИВ Халқаро аэропортларда хавфсизликни таъминлаш қўшинларига қарашли 7255-ҳарбий қисмда “Заковат” интелектуал ўйини ташкил этилди. Унда ҳарбий қисм бўлинмалари орасидан 4 жамоа иштирок этди. Ақл ва идрокни чархловчи ушбу ўйинда ҳарбий хизматчилар ўзларининг бор билим ва тафаккурларини намоён қилиб, берилган саволларга тўғри жавоб беришга ҳаракат қилишди.
Ўйин натижаларига кўра, биринчи ўринни 2-қўриқлаш взводи шахсий таркибининг “Билимдонлар” жамоаси, иккинчи ўринни Автомобил взводининг “Лочинлар” жамоаси, учинчи ўринни эса комендантлик гуруҳининг “Қалқонлар” жамоаси қўлга киритди.
Мусобақа ғолибларига диплом ва китоблар тўплами топширилди.
Абдулазиз Маъмуров,
подполковник.