Бугун ИИВ Маданият саройида Ўзбекистон Миллий телерадиокомпанияси ҳамда Ички ишлар вазирлиги ҳамкорлигида “Ўзбектелефилъм” киностудияси томонидан суратга олинган “Жиноят жазосиз қолмайди” филми 2-фаслининг тақдимоти бўлиб ўтди.
Тадбир аввалида сўзга чиққан ИИВ Маънавий-маърифий ишлар ва кадрлар билан таъминлаш департаменти бошлиғининг ўринбосари, полковник Ҳамза Махсумов ушбу филъмда мамлакатимиз тинчлик-осойишталигини таъминлаш йўлида фидойиларча хизмат қилаётган ички ишлар органлари вакилларининг машаққатли фаолияти ҳаққоний акс этганини таъкидлади. Мазкур филъм юртимиз аҳолисининг ҳуқуқий маданиятини юксалтириши билан бир қаторда, жиноятчиликнинг олдини олиш ва унга қарши курашишга хизмат қилишини қайд этди..
Шундан сўнг филъмни яратишга катта ҳисса қўшган бир гуруҳ ижодкорлар Ички ишлар вазирининг буйруғига биноан, “Ўзбекистон Республикаси Ички ишлар вазирлигининг 30 йиллиги” эсдалик нишони ҳамда эсдалик қўл соати билан тақдирланди. “Ёшлар” телеканали буюртмасига биноан тайёрланган 30 қисмдан иборат ушбу картина Нилуфар Жумаэва ссенарийси асосида бош режиссёр Акмалжон Иброҳимов томонидан саҳналаштирилган. Ундаги бош ролларни Ўзбекистонда хизмат кўрсатган артист Учқун Тиллаэв, актёрлар Шоҳрух Исмоилов ва Малика Раҳимова маҳорат билан ижро этишган. Филъм осойишталигимиз посбонлари томонидан мароқ билан томоша қилиниб, барчада катта таассурот қолдирди.
Михли САФАРОВ,
“Постда” мухбири.