У лицензия олмасдан «Бинанcе» крипто-биржаси орқали крипто-активлар савдоси билан шуғулланиб келган. Жумладан, интернетдаги махсус аккаунт орқали УСДТ крипто-­активларини сотиб олган ва сотган. Айбланувчи 2024-йил 

апрел ойидан 2025-йил 

феврал ойи­га қадар бўлган даврда 78 та транзаксия амалга оширган ва жами 

79 минг АҚШ доллари эквивалентидаги крипто-активларни айлантирган. Қисқа қилиб айтганда, крипто-валю­талар савдосини амалга ошириш ҳуқуқини берувчи лицензиясиз фаолият юритиб, қонун талабларини қўпол равишда бузган.

У суд жараёнида айбига тўлиқ иқрор бўлди. Дастлаб қизиқиши туфайли ва қўшимча даромад топиш мақсадида крипто-сав­до билан шуғулланганини, кейинчалик бу фаолиятни доимий давом эттирганини тан олди. Судланувчи қилмишидан астойдил пушаймон эканлигини айтиб, енгиллик берилишини илтимос қилиб сўради.

Суд жиноят иши материалларини, электрон далиллар, банк карталари, телефон қурилмалари ва «Бинанcе» платформасидан олинган маълумотларни атрофлича ўрганиб чиқди. Ашёвий далил сифатида Жамшидга тегишли телефон аппаратига расмийлаштирилган аккаунт ўчирилди, бевосита ушбу жиноятларни содир этишда фойдаланилган пластик карта тегишли тартибда йўқ қилинди. 

Суд юқоридагилардан келиб чиққан ҳолда судланувчи­нинг айби тўлиқ исботланган деган хулосага келди. Айбдор­нинг қилмишидан пушаймонлиги, айбига иқрор бўлгани ва терговга ёрдам берганини инобатга олиниб, унга енгиллик берилди. Шу билан бирга, жиноят ғаразли мақсадда содир этилгани оғирлаштирувчи ҳолат сифатида баҳоланди. 

Натижада Жамшид Ўз­бе­кистон Республикаси Жиноят кодексининг тегишли бандига оид жиноят содир этганлигида айбдор деб топилди. Унга 3 йил муддатга озод­ликни чеклаш жазоси та­йинланди. Мазкур иш рақам­ли иқтисодиёт шароитида крипто-­активлар билан ишлашда қонунчилик талабларига қатъий амал қилиш зарурлигини яна бир бор кўрсатди. Мутахассисларнинг таъкидлашича, кпирто-савдо соҳасида фаолият юритиш учун тегишли лицензияга эга бўлиш ва давлат томонидан белгиланган тартибларга риоя қилиш муҳим. Зеро, ҳар бир ноқонуний қилмишнинг охири вой. 


Шаҳодат ЗАЙНИДДИНОВА,

подполковник.

Гўзал ЖАФАРОВА,

ўз мухбиримиз.

Тошкент шаҳри.