Fargʻona viloyatida “Kibermakonda sodir etiladigan jinoyatlarga qarshi kurashish haftaligi” (Cyber-Week) yakuniga yetdi.
Haftalik doirasidagi eng muhim tadbir – “Kiberxavfsizlik bilimdonlari” intellektual oʻyinining final bosqichi Margʻilon shahridagi “IT markazda” oʻtkazildi.
Qizgʻin bahslarga boy boʻlgan oʻyin yakunida Oʻzbekiston tumani 1-oʻrinni, Bagʻdod tumani 2-oʻrinni, Margʻilon shahar jamoasi esa 3-oʻrinni qoʻlga kiritdi.
Shuningdek, tadbir soʻnggida TATUning Fargʻona filiali, IT-park Fargʻona filiali hamda Fargʻona viloyati IIB oʻrtasida oʻzaro hamkorlik memorandumi imzolandi.
Abduvosit SIDIQOV,
“Postda” muxbiri.
Fargʻona viloyati.