Mәmleketimiz ishki isler organlari xizmetkerleriniң xizmet intizami hәm de nizamshiliqqa qataң әmel yetiӯi taraӯ imidji hәm abiroyin asiriӯda үlken әhmiyetke iye.
Sonliqtan, bүgingi kүnde «Ӯatangʻa ham xaliqqa sadiqliq penen xizmet yetiӯ-әdiӯli minnetimiz!» kontseptual qagʻiydasi tiykarinda xizmetkerler sanasi hәm keӯlinde ana Ӯatan tәgʻdiri, oniң aydin keleshegi, tinishligʻi, qәӯipsizligin tәmiyinleӯge juӯapkerlik tuygʻisin arttiriӯ, insaniyliq hәm milliy qәdiriyatlardi uligʻlaӯshi paziyletler iyesi boliӯgʻa kөmeklesiӯ, yeң әhmiyetlisi, hәr qanday aӯir hәm quramali jagʻdaylarda da antina sadiq qaliӯshi, janin pidә yetiӯshi xizmetker bolip jetilisiӯin tәmiyinleӯ ushin bir qatar tәrbiyaliq hәm ruӯxiy-agʻartiӯshiliq jumislari alip barilmaqta.
Qashan taraӯ xizmetkerleri ruӯxiy-agʻartiӯshiliq hәm siyasiy tәrepten jetik, milliy hәm uliӯma insaniyliq qәdiriyatlar, demokratiyaliq printsipler hәm de puqaraliq jәmiyeti tiykarlarin hәr tәrepleme puxta өzlestirgen, yerkin pikirleytugʻin, intellektual qәbiletli, ideologiyaliq immunitetke iye, zamanagөy qәӯip-qәterlerge sergek, bir sөz benen aytqanda, өz taraӯiniң sanali bilimdani bolsa, bunday jeke quram juӯapkershiligine jүkletilgen hәr qanday ӯaziypani, shubhasiz keӯildegidey orinlaydi.
Biraq, tilekke qarsi ayirim ӯaqitlari taraӯda өz kәsibine mehri bolmagʻan, ӯaziypasina juӯapkersizlik penen qaraytugʻin bazi bir xizmetkerlerdiң unamsiz is-hәreketleri sebepli pүtkil taraӯ xizmetkerleri abiroyina daq keltiriӯshiler de ushirasip atirgʻani sir yemes. Әsirese, bүgingi әshkaraliq, gʻalaba xabar qurallari hәm internet tarmaqlariniң jedellesiӯi nәtiyjesinde bunday unamsiz halatlar qisqa ӯaqit ishinde keң jәmiyetshilikke tarqalip atirgʻani bәrshemizge mәlim.
Sonliqtan, ministrlik basshiligʻi tәrepinen usinday unamsiz halatlardiң aldin aliӯgʻa, olargʻa keskin sharalar qollaӯgʻa ayiriqsha itibar qaratilmaqta. Sebebi, bir xizmetkrdiң unamsiz is-hәreketi, qilmisi kүn-tүni tinim bilmey өz ӯaziypasin atqarip atirgʻan pүtkil jeke quramniң, xalqimizgʻa sadiqliq penen xizmet yetip atirgʻan hadal, pәk, pidayi xizmetkerlerdiң atina daq tүsiredi. Yeң jamani, xalqimizda ishki isler xizmetkerlerine bolgʻan unamsiz pikir oyatip, taraӯ imidjine, misqallap jiynalip atirgʻan abiroyina keri tәsir yetedi.
Soniң ushin xizmet intizamin buziӯshi xizmetkerlerdi yerte aniqlaӯ, әsirese taraӯdi dәmegөylik, paraxorliq illetlerine, korruptsiyagʻa aralasqan xizmetkerlerden tazalaӯ boyinsha ayiriqsha is-ilajlar turaqli rәӯishte, rejege tiykar alip barilmaqta. Әlbette, bunda үyreniӯshi hәm tekseriӯshi juӯapkerler tәrepinen xizmetkerlerdiң jeke huqiq hәm mәplerine qayshi keliӯshi hәreketler isleniӯine jol qoymaӯ, halat jүzesinen әdalatli qarar qabil yetiliӯine ayiriqsha itibar qaratilmaqta. Nege degende, hәr bir xizmetker belgili bir bilimlendiriӯ orninda oqigʻan, mәlim mүddet taraӯda islep jeterli tәjiriybege iye bolgʻan qәnige yesaplanadi. Qalaberse, oni oqitiӯ ushin mәmleket qarjisi jumsalgʻan, tәrbiyalaӯgʻa ustazlar miyneti, tәjiriybe arttiriӯgʻa bolsa jillar sariplangʻan. Sonliqtan, xizmetker boyinsha alingʻan hәr bir magʻliӯmat diqqat penen үyreniliӯine ayiriqsha itibar qaratiӯ әhmiyetke iye. Bunnan tisqari, jәmәәttegi ortaliqtiң ashiq bolmaӯi, basshi hәm xizmetker ortasindagʻi tartisli mүnәsibetlerdiң payda boliӯ da jeke quram ortasinda xizmet intizami hәm nizamshiliqtiң buziliӯina sebep boliӯshi unamsiz sebeplerden yesaplanadi. Sonliqtan, basshilar tәrepinen xizmetkerlerdiң xizmet barisina tiykarsiz aralasiӯ, tosqinliq yetiӯ yaki tikkeley (basqalar arqali) tәsir өtkeriӯge uriniӯ qataң qadagʻan yetiledi. Bunday halatlar aniqlangʻan jagʻdayda , ogʻan jol qoygʻan laӯazimli shaxslar belgilengen tәrtipte intizamiy juӯapkershilikke tartiladi. Soniң menen birge, xizmetkerler menen jeterli tәrbiyaliq isler alip barmagʻan basshi xizmetkerler jumisi unamsiz bahalangʻan tәgʻdirde, olar materialliq hәm moralliq xoshametleӯge usinis yetilmeydi.
Әlbette, ruӯxiy-agʻartiӯshiliq jөnelisine tikkeley juӯapker basshi xizmetker menen hүjjetlerde belgilengen ruӯxiy-agʻartiӯshiliq, profilaktikaliq hәm basqa tiyisli ilajlardi өz ӯaqtinda әmelge asirilgʻani tastiyiqlangʻan bolsa, xizmetker unamsiz hәreketin әmelge asirgʻan ӯaqitta juӯapker basshi kesellik yaki basqa tүrdegi dem alista yamasa xizmet saparinda bolsa, xizmetker unamsiz hәreketin aqirgʻi zәrүrlik, zәrүr qorgʻaniӯ sharayatinda yaki ruӯxiy buziliӯ yaki keselligi sebepli әmelge asirgʻani tastiyiqlansa, basshi jazagʻa tartilmaydi.
Ashigʻin aytqanda, xizmetkerlerdiң xizmet intizamina qataң әmel yetiӯi hәm nizamshiliqti tәmiyinleӯi, yeң dәslep olardiң jәmiyetshilik arasinda өzin tutiӯina, qanday xizmet alip bariӯina baylanisli. Yeger xizmetker puqara menen sәӯbetke kirisiӯden aldin өzin belgilengen tәrtipte tanistirsa, arnaӯli kөkirek nishani bolsa da puqara onnan xizmet gүӯaligʻin kөrsetiӯdi talap yetse, oniң talabin orinlasa, ortada kelispeӯshilik payda bolmaydi. Tap usi tәrizde, xizmetker tәrepinen puqaragʻa qarata qopalliq yetiӯ, basim өtkeriӯ, qorqitiӯ siyaqli unamsiz is-hәreketlerge jol qoyilmasa, ogʻan qarsi arza hәm shagʻim kelip tүspeydi.
Әlbette, puqara mәs halatta bolgʻan, shaxsin tastiyiqlaӯshi hүjjetti kөrsetpegen yaki qataң qarsiliq kөrsetken tәgʻdirde, өzi yaki arnaӯli topar menen birge zәrүriy shara sipatinda puqaragʻa qarata mәlim dәrejede fizikaliq kүsh isletiӯ yaki basqa arnaӯli qurallardi qollaӯ arqali ӯaqitsha uslap, yeң jaqin ishki isler organlarina jetkeriӯ sharalari kөriledi hәm bul haqqinda tez arada tuӯridan-tuӯri basshilargʻa magʻliӯmat beriledi.
Bir sөz benen aytqanda, «Ӯatan ushin, millet ushin, xaliq ushin» kүn-tүn tinim bilmey xizmet yetip atirgʻan xizmetkerlerdiң kөshede jүriӯi, kiyim kiyiӯ tәrtibine әmel yetiӯi, puqaralar menen mүnәsibetlerden baslap, barliq hәreketleri yeldiң nәzerinde. Shүkirler bolsin, bul kүnler mashaqatlar izinen keletugʻin abiroyli kүnler yesaplanadi. Gʻәrezsizlik bayrami qarsaңinda mәmleketimizdiң joqari siyliqlarina mүnәsip kөrilgen kәsipleslerimizdiң bir qatari orden, medal hәm joqari dәrejedegi arnaӯli ataqlar menen siyliqlangʻani bugʻan ayqin misal dep aytsaq hesh qanday qәte bolmaydi.
Gʻayrat ABDULLAYEV,
podpolkovnik.
Aӯdarmalagʻan Azamat PIRNIYAZOV.