Bүgingi kүңde Өzbekstan Respublikasi Prezidenti, Quralli Kүshler Joqargʻi Bas sәrkardasi Shavkat Mirziyoyev basshiligʻinda milliy armiyamizdiң jaӯingerlik qәbiletin arttiriӯ, oniң materialliq-texnikaliq bazasin bekkemleӯ, zamanagөy qural-jaraqlar menen tәmiyinleӯ, әskeriy xizmetkerlerdiң fizikaliq, ruӯxiy-intellektual tayarligʻin asiriӯ, sotsialliq qorgʻaliӯina ayriqsha itibar qaratilmaqta.
Milliy armiyamizdi reformalaӯ jolinda әmelge asirilgʻan is-hәreketler negizinde, birinshi nәӯbette, zamanagөy qorgʻaniӯ qәbiletine iye bolgʻan, tayarligʻi joqari, hәr qanday qiyin jagʻdaylarda da jetik hәreket yete alatugʻin armiyani qәliplestiriӯ, yekinshiden dүnya hәm mәmleketimiz әskeriy jetiskenligi, aldiңgʻi tәjiriybelerinen utimli paydalaniӯ, үshinshiden, әskeriy xizmetkerlerdi ruӯxiy әdep-ikramli yetip tәrbiyalaӯ, olardiң professional tayarligʻin jәne de kүsheytiӯ turadi. Usi maqsette, өtken dәӯirde mәmleket qorgʻaniӯ qәbiletin jәne de bekkemleӯ boyinsha taraӯdiң normativ-huqiqiy tiykarlari jetilistirildi. Qorgʻaniӯ doktrinasi qabil yetildi. Quralli Kүshlerdiң shөlkemlestiriӯ dүzilisi, jaӯingerlik qurami hәm tayarligʻi kүsheytilip, yelimizdiң qorgʻaniӯ qәbileti bekkemlendi. Bunda kontrakt tiykarindagʻi әskeriy xizmetkerlerdiң үlesi jil sayin өsip, әskerlerdiң zamanagөy qural-jaraqlar menen tәmiyinleniӯ dәrejesi jәne de joqariladi.
Zamanagөy qәӯipler kүsheyip baratirgʻan bүgingi kүnde jәhәnde jүz berip atirgʻan gibrid xarakterdegi quralli soqligʻisiӯlar Quralli Kүshlerimizdiң әskeriy hәreketler barisinda aldin әmelde qollanilmagʻan qurallardan paydalanatugʻin kүshlerge qarsi gүrese aliӯ qәbiletin asiriӯdi talap yetpekte. Sonliqtan, 2022-2026-jillargʻa mөlsherlengen Jaңa Өzbekstanniң Raӯajlaniӯ strategiyasinda yelimiz qorgʻaniӯ qүdiretin jәne de bekkemleӯ hәm Quralli Kүshlerimizdi raӯajlandiriӯ yeң basli ӯaziypalardan biri yetip belgilendi hәm bul bagʻdarda kөplegen әmeliy jumislar alip barilmaqta.
Hәzirde Orayliq Aziya aymagʻinda tinishliq, turaqliliq hәm qәӯipsizlikti tәmiyinleӯ, qorgʻaniӯ sistemasin jetilistiriӯ, qoңsi mәmleketler ortasindagʻi birge islesiӯdi hәr tәrepleme raӯajlandiriӯ bүgingi dәӯirdiң yeң әhmiyetli mәselelerinen biri bolip qalmaqta. Sebebi, uliӯmaliq qәterlerge qarsi birgelikte gүresiӯdi zamanniң өzi talap yetpekte. Usi orinda atap өtiӯ kerek, mәmleketimiz Quralli Kүshleri sistemasinda alip barilip atirgʻan reformalar dүnya yelleri tәrepinen haqli rәӯishte bahalanbaqta. Dүnya hәm GʻMDA hәm de basqa xaliq araliq shөlkemler sheңberinde өtkerilip atirgʻan jarislarda Өzbekstan Quralli Kүshleri komandalariniң turaqli jeңislerge yerisip atirgʻani mәmleket jetekshisi tәrepinen belgilengen izbe-izliktegi reformalardiң unamli nәtiyjesi bolip yesaplanadi. Qorgʻaniӯ ministrligi komandasiniң 2024-jilda Ulli Britaniyada bolip өtken «Kembriya patruli» jarisinda yekinshi orindi qolgʻa kirgizgen bolsa, Qubla Koreyada өtkerilgen ilimiy-әskeriy tayarliq boyinsha xaliq araliq jarislardiң teңsiz jeңimpazina aylandi.
Quralli Kүshlerimiz qoңsi mәmleketler menen birge islesiӯdi de bekkemlep barmaqta. Atap aytqanda, 2024-jil Qazaqstanda өtkerilgen «Birlestik-2024» oqiӯ shinigʻiӯlari sheңberinde mәmleketimiz әskeriyleri Әzerbayjan, Qazaqstan, Qirgʻizstan hәm Tәjikstanli kәsiplesleri menen birgelikte әskeriy-taktikaliq hәreketlerde qatnasti. Hindistan menen birgelikte «Termiz» poligoninda өtkerilgen «Dosliq-2024» oqiӯ shinigʻiӯlariniң besinshi basqishinda qurgʻaqliq hәm әskeriy haӯa kүshleri qәnigeleri qatnasip, onda tiykargʻi itibar terrorizmge qarsi gүresiӯ hәm basqa operatsiyalarda bөlimler ortasindagʻi muӯapiqlastiriӯ hәm birge islesiӯge qaratildi. 2024-jilda Jurtbasshimiz basshiligʻinda jaӯingerlik tayarliq hәm xizmet nәtiyjeliligin arttiriӯgʻa qaratilgʻan bir qatar nizamshiliq өzgerisleri qabil yetildi.
Armiyamiz әyne payitta modernizatsiya tiykarinda zamanagөy baylanis sistemalari, ushiӯshisiz haӯa apparatlari, bronotexnika hәm razvedka qurallari menen tәmiyinlenbekte.
Өziniң bay hәm үlgi bolarliq tariyxina bolgʻan IIM Qaraӯil әskerleri mәmleketimiz tinishligʻin tәmiyinleӯ jolinda өz әhmiyetine iye bolmaqta. Sonliqtan, әskerler tayarligʻiniң intensivligi hәm sipatin kүsheytiӯ, sonday-aq, әskeriy bөlimlerdiң jaӯingerlik tayarligʻin hәm basqariӯin jetilistiriӯ, әskeriy xizmetkerlerdiң әmeliy kөnlikpe hәm sheberligin arttiriӯ maqsetinde hәr jili komandaliq-әskeriy, arnaӯli-taktika hәm taktik-sap shinigʻiӯlari hәm de jaӯingerlik tayarliq tekseriӯleri өtkerilip kelinbekte. Nәtiyjede, olardiң jaӯingerlik tayarliq dәrejesi jәne de joqarilap, belgilengen ӯaziypalar өz mүddetinde toliq orinlanip kelinbekte.
Әskeriy xizmetkerler hәm olardiң shaңaraq agʻzalari sotsialliq qollap-quӯatlaӯ maqsetinde jeңilletilgen tүrde uzaq mүddetli ipoteka kreditleri tiykarinda үy-jaylar menen tәmiyinlenbekte. Xizmet ӯaziypasin pidayiliq penen atqarip kiyatirgʻan әskeriy xizmetkerlerdiң perzentlerine respublikamizdiң joqari oqiӯ orinlarina oqiӯgʻa kiriӯi ushin jeңilletilgen usinisnamalar berilmekte. Densaӯligʻin tikleӯ ushin sanatoriya hәm kurortlarda dem alip keliӯdi qәleӯshi әskeriy xizmetkerler ushinda imkaniyatlar jaratilmaqta. Hәtteki, tinishligʻimiz qorgʻaӯshilariniң shaңaraqliq jagʻdayin jәne de jaqsilaӯ hәm turmis joldasiniң bәntligin tәmiyinleӯ maqsetinde olar mono oraylarda kәsipke oqitilip, jumisqa ornalastirilmaqta.
Juӯmaqlastirip aytqanda, Quralli Kүshlerimiz qүdiretin bekkemleӯ, zamanagөylestiriӯ hәm reformalaӯ jolinda әmelge asirilgʻan barliq is-hәreketler gʻәrezsizligimizdi asirap saqlaӯ, shegaralarimiz qol qatilmasligʻi, aspanimiz ashiqligʻ hәm de yel-jurtimiz tinishligʻin tәmiyinleӯge qaratilgʻani menen әhmiyetli yesaplanadi.
Mixli SAFAROV,
өz xabarshimiz.