Dediler: dүnyada hasli kim әziz?

Ayttilar: ustazdur, ustaz biygүman.

Tagʻi ayttilarki: әziz, shubhasiz,

Ustazdiң qәdirine jete algʻan insan.

Abdulla ORIPOV

Dүnyadagʻi kәsipler arasinda yeң ullisi oqitiӯshiliq yesaplanadi. Ne degenimizde, hәr qanday kәsip iyesi jas әӯladqa tәlim-tәrbiya beretugʻin pidayi mugʻallimniң mashaqatli miyneti arqali өz jolin tabadi. Bul ulli insan jaslargʻa raӯajlaniӯ hәm jetiskenlik, baxit hәm sadat yesiklerin aship beredi.

Ulli babamiz, meditsina iliminiң tiykarin saliӯshi Abu Ali Ibn Sina «Tәӯip jandi daӯalaydi, ustaz bolsa pүtkil milletti», degen yeken. Usi sөzler oqitiӯshi hәm de ustazlardiң jәmiyet hәm millet tәrbiyasindagʻi orni qanshelli әhmiyetli yekenligin kөrsetedi. Sebebi, ustaz-mugʻallim pүtkil әӯladti kәmillikke jetekleydi. Bul bolsa dene shipasinan da ulliraq boladi.

Xalqimiz әzel-әzelden oqitiӯshi hәm jetekshi, ustazlar miynetin joqari qәdirlep, olargʻa sheksiz xүrmet-izzet kөrsetip kelgen. Bul sipat jillar sinaӯinan tabisli өtip, әhmiyetli qәdiriyatqa aylangʻan. Sonliqtan da, hәzireti Әliysher Naӯayi tөmendegi qatarlardi biykargʻa jazbagʻan.

Haq yoʻlinda kim senga bir harf oʻqitmish ranj ila,

Aylamak boʻlmas ado oning haqqin ming ganj ila.

 

Bүgingi kүnde mәmleketimizde bilimlendiriӯ sistemasin reformalaӯ, jaslardi hәr tәrepleme jetik insanlar sipatinda kamal taptiriӯ mәselesine әhmiyetli ӯaziypa sipatinda qaralip kelinbekte. Usi maqsette taraӯgʻa baylanisli kөplegen nizam, pәrman hәm qararlar qabil yetilip, bul boyinsha huqiqiy baza bekkemlendi. Hәr jili jaңa bilimlendiriӯ mәkemeleri qurilip, olardiң materialliq-texnikaliq bazasi, kadrlar potentsiali artpaqta.

Itibarli tәrepi, «Өzbekstan-2030» raӯajlaniӯ strategiyasinan bilimlendiriӯ sistemasin jәne de raӯajlandiriӯ boyinsha jaңa maqset hәm rejeler orin aldi. Usi basli ӯaziypalardiң әmelge asiriliӯi ӯatanimiz tәgʻdiri hәm keleshegi ushin juӯapkershilikti өz moynina aliӯgʻa tayar bolgʻan jaңa әӯladtiң jetisip shigʻiӯina xizmet yetedi, әlbette.

Yeң әhmiyetlisi, oqitiӯshi hәm ustazlardiң jәmiyet turmisindagʻi abiroyin asiriӯ, olardiң mashaqatli miynetin qәdirleӯ hәm mүnәsip xoshametleӯ mәselesine үlken itibar qaratilmaqta. Jaңalangʻan Bas Nizamimizda birinshi ret oqitiӯshiniң statusi ayriqsha belgilep qoyilgʻani, өtken jili bolsa «Pedagogtiң statusi haqqinda» gʻi nizam qabil yetilgeni buniң ayqin tastiyigʻi yesaplanadi.

Sonday-aq, jaңa nizam menen pedagoglardiң huqiqlari, mәjbүriyatlari, xizmetiniң tiykargʻi kepillikleri, miynetine jarasa haq tөleӯ, xoshametleӯ hәm sotsialliq qorgʻaӯ tiykarlari belgilendi. Soniң menen birge, hүjjette pedagogtiң huqiqlari, ar-namisi, qәdir-qimbati hәm issheңlik abiroyi mәmleket qorgʻaӯinda boliӯi qataң belgilep qoyilgʻani ayriqsha itibargʻa ilayiq.

Oqitiӯshi hәm ustazlar miynetin mүnәsip bahalaӯ hәm xoshametleӯ jumislari basqishpa-basqish daӯam yettirilmekte. Mәmleketimiz basligʻi basshiligʻinda usi jildiң 9-sentyabr kүni bolip өtken mektepke shekemgi hәm mektep bilimlendiriӯi taraӯindagʻi reformalardiң orinlaniӯi hәm de aldagʻi әhmiyetli ӯaziypalardi dodalaӯ boyinsha өtkerilgen videoselektor jiynalisinda atap өtilgenindey, oqitiӯshilardiң ayliq is haqisina 10 nan artiq үstemeler yengizilgen bolip, bүgin өz үstinde islegen 60 miңnan artiq pedagog 10-12 million sum ayliq almaqta. Jaңa bahalaӯ sistemasi boyinsha unamli nәtiyje kөrsetken 300 mekteptiң pүtkil jәmәәtine 40 protsentke shekem үsteme berilmekte. Usi aydan mektep direktorlari, baqsha meңgeriӯshileri hәm olardiң orinbasarlari ayligʻi da kөbeydi.

Sonday-aq, oqiӯshilari xaliq araliq pәn olimpiadalarinda jeңimpaz hәm siyli orin algʻan oqitiӯshilar kөp mugʻdardagʻi pul siyliqlari menen xoshametlenbekte. Bul olardi jәne de belsendilik kөrsetip isleӯge iytermelemekte.

Yelimizde «Өzbekstan Qaharmani», «Өzbekstan Respublikasi xaliq oqitiӯshisi», «Өzbekstan Respublikasinda xizmet kөrsetken xaliq bilimlendiriӯi xizmetkeri», «Өzbekstan Respublikasinda xizmet kөrsetken jaslar ustazi», «Өzbekstan Respublikasinda xizmet kөrsetken sport ustazi» siyli dәrejelerine sazaӯar bolgʻan, orden hәm medallar menen siyliqlangʻan oqitiӯshi hәm ustazlar qatari jildan-jilgʻa kөbeyip barmaqta. Atap aytqanda, jaqinda qabil yetilgen Prezidentimiz pәrmanina kөre, tәlim-tәrbiya taraӯin xaliq araliq standartlar tiykarinda raӯajlandiriӯ, bul bagʻdardagʻi reformalar nәtiyjeliligin arttiriӯ, oqiӯ protsessine aldiңgʻi tәjiriybeler, innovatsion pedagogikaliq texnologiyalardi keңnen yengiziӯ bagʻdarindagʻi mүnәsip үlesi, oqiӯshi jaslargʻa zamanagөy bilim hәm kәsip-өnerlerdi үyretiӯ, olardiң intellektual qәbiletin raӯajlandiriӯ, joqari qәnigeli kadrlardi tayarlaӯ, salamat hәm bәrkamal әӯladti jetistiriӯ, perzentlerimizdi Ana Ӯatangʻa muhabbat hәm sadiqliq, milliy hәm uliӯma insaniyliq qәdiriyatlargʻa hүrmet ruӯxinda tәrbiyalaӯ jolindagʻi xizmetleri ushin bir topar ӯatanlaslarimiz mәmleketimizdiң joqari siyliqlari menen siyliqlandi.

Mәmleketimiz ishki isler organlari taraӯina qarasli bilimlendiriӯ mәkemelerinde hәzirgi kүnde kөplegen joqari mamanliqqa iye bolgʻan professor-oqitiӯshilar, ustazlar jumis islep kelmekte. Olardiң belgili bir bөlegi joqari kategoriya, ilimiy dәreje hәm ataqlargʻa iye. Jumisi barisinda joqari nәtiyjelerge yerisip kiyatirgʻan pedagog xizmetkerler mүnәsip xoshametlenip kelinbekte. Bunnan tisqari, taraӯ veteranlari hәm de ishki isler organlarinda xizmet yetip atirgʻan tәjiriybeli xizmetkerlerdiң jas kadrlardi tәrbiyalaӯ bagʻdarindagʻi miynetlerinde өz aldina atap өtiӯ lazim.

Kөz nuri, bar keӯilin jas әӯlad tәlimi hәm tәrbiyasina bagʻishlagʻan oqitiӯshi hәm ustazlardiң mәrtlik miyneti joqari bahagʻa ilayiq. Өz nәӯbetinde Prezidentimiz atap өtkenindey: «Biz xalqimizdiң yeң үlken bayligʻin- millionlap perzentlerimiz, jannan әziz ul-qizlarimizdiң tәgʻdirin, Өzbekstan keleshegin sizlerge isenip tapsirgʻanbiz. Hәm bul ӯaziypani juӯapkershilik penen atqarip kiyatirgʻan sizler kibi pidayi insanlar, keleshek jaratiӯshilarina hәr qansha sipatlama hәm xoshamet aytsaq arziydi».

 

Kamol OLLOYOROV,

өz xabarshimiz.

Aӯdarmalagʻan Azamat PIRNIYAZOV.