Buxoro viloyati IIB huzuridagi Tergov boshqarmasi va tergov boʻlinmalarining barcha shaxsiy tarkibi ishtirokida 2021-yil yakunlari hamda joriy yilda amalga oshirilishi lozim boʻlgan vazifalar muhokamasiga bagʻishlangan yigʻilish oʻtkazildi. Yigʻilish kun tartibiga koʻra, yil davomida ijobiy koʻrsatkichlariga erishgan xodimlar va ularning ota-onalariga IIV huzuridagi Tergov departamenti hamda viloyat Ichki ishlar boshqarmasining qimmatbaho sovgʻa va tashakkurnomalari tantanali ravishda topshirildi.
Shuningdek, yakunlangan yilda xodimlarning xizmat faoliyati davomida yoʻl qoʻygan xato va kamchiliklar birma-bir muhokama qilinib, barcha tergov boʻlinmalari rahbarlarining hisobotlari tinglandi. Yana Tergov departamenti tomonidan oʻtkazilgan videoselektor yigʻilishida bildirilgan eʼtirozlar hamda yoʻl qoʻyilgan xato va kamchiliklarga kelgusida yoʻl qoʻymaslik maqsadida tegishli chora-tadbirlar belgilab olindi.
Yigʻilish yakunida shaxsiy tarkib uchun oʻquv mashgʻuloti tashkillashtirildi.
O. BOZOROV,
mayor.
Buxoro viloyati.