(12 июлдан 18 июлгача)
Қўй. Бу ҳафта учун тузган режаларингизнинг аксарияти амалга ошиши мумкин. Ҳаммаси сизга яқин инсонларга, уларнинг қўллаб-қувватлашига боғлиқ. Келиб тушадиган молиявий таклифларга жиддий эътибор қаратинг. Оилавий ҳаётда эса, аксинча, икир-чикирларга эътибор қилмай, кўпроқ меҳр улашишга ҳаракат қилинг.
Бузоқ. Уддалай олишга кўзингиз етмаган ишларга қўл урманг. Баъзи қўлингиздан келмаган юмушларни бошқаларнинг елкасига юклашни ўрганинг. Маблағ тикишда эҳтиёткор бўлинг, акс ҳолда омадсизликка учраб қолишингиз мумкин. Дам олиш кунларини шаҳар ташқарисида ўтказиб, тоза ҳавода ҳордиқ олишни режалаштиринг.
Эгизаклар. Ҳаётингизда ўзгариш қилмоқчи бўлсангиз, бу ишни вақтинча энг қулай пайтга қолдириб турган маъқул. Бу ҳафта иш жойингизда ҳамкасблар билан зиддиятли вазиятлар юзага келиши мумкин. Низони имкон қадар чўзмасликка ҳаракат қилинг, акс ҳолда кейин муносабатларни тиклаш қийин кечади.
Қисқичбақа. Шу кунларда ўзингизни ҳеч нарсага улгура олмаётгандек ҳис қиласиз. Қисман бу чиндан ҳам шундай. Диққат-эътиборингизни жамланг! Бор куч-шижоатингизни тўплаб, янада фаол ҳаракат қилинг. Ҳафтанинг иккинчи ярмида саломатлигингизга жиддий эътибор қаратинг. Якшанба куни ҳеч қандай ишни режалаштирмай, мароқли ҳордиқ олинг.
Арслон. Сизни ёқимли ўзгаришлар кутмоқда. Оила аъзоларингиз билан муносабатда баъзи қарашларингизни ўзгартириб, сабрли ва ширинсўз бўлинг. Жисмонан оғир вазифалардан четлашиб, таъбни хира қилувчи ва кўнгилни оғритувчи барча ҳолатлардан узоқлашинг. Ҳафта сўнггида улар билан бирга табиат қўйнида сайр қилинг.
Паризод. Бу ҳафта сиз учун жуда самарали бўлади. Уйда ҳеч нарсага улгура олмасангиз ҳам, иш жойингизда кўпгина ютуқларга эришасиз. Сиз учун мазкур давр фаол ҳаракатлар палласи ҳисобланиб, бу кўпгина муваффақиятларга эришиш учун яхши имкониятдир. Айни шу дамда ҳатто энг мураккаб вазифаларни ҳам ҳеч иккиланмай амалга ошириш тавсия этилади.
Тарози. Оилавий муносабатларни мустаҳкамлаш учун яқинларингизга кутилмаган совға ҳозирланг. Улар бу ҳаракатингизни қадрлашлари, шубҳасиз. Агар ўтмишдан қолган инсон тасодифан йўлингиздан чиқиб, сизда салбий ҳиссиётлар уйғоца, ўзингизни қўлга олинг. Ҳафтанинг иккинчи ярмида руҳиятингиз яхшиланиб, кайфиятингиз кўтарилади.
Чаён. Анчадан бери олишга умид қилган пул маблағи бу ҳафта қўлингизга келиб тушади. Уларни оқилона сарфлашга ҳаракат қилинг. Эҳтимол, аввалдан режалаштирилмаган сафарга чиқишингиз мумкин. Айниқса, гап дам олиш ҳақида кетаётган бўлса, ҳеч иккиланмай розилик билдиринг.
Ўқотар. Бирон бир иш сиз кутгандек кетмаётган бўлса, умидсизликка тушманг. Тез орада ҳаммаси яхшиликка бўлганини тушуниб етасиз. Оила аъзоларингизга кўпроқ меҳр беринг. Уларнинг кўнглини оғритмаслик учун ҳар бир сўз ва амалингизга эътиборли бўлинг.
Тоғ эчкиси. Шу кунларда ким биландир тортишган ва жанжаллашган бўлсангиз, имкон қадар тезроқ ярашишга ҳаракат қилинг. Узайган низолар яхшилик олиб келмайди. Иш жойингизда зиммангизга мураккаб вазифа юкланиши мумкин. Мазкур ҳафта иш билан боғлиқ тадбирларда иштирок этиш учун мақбул даврдир.
Қовға. Руҳий тушкунлик ва безовталик ҳисси – сизга бу ҳафта панд бериши мумкин бўлган ҳолатлар ҳисобланади. Ўз ҳисларингизни жиловлашга ҳаракат қилинг. Бу даврдаги учрашувлар ёқимли, баъзилари эса ҳатто эсда қоларли бўлади. Меҳмонга таклиф этишса, зинҳор рад этманг – бу ҳаётингизга ўзгача завқ бағишлайди.
Балиқ. Ҳафта давомида имкон қадар норозилик ва ғазабни жиловлашга ҳаракат қилинг, атрофдагилар билан зинҳор баҳслашманг. Яхшиси куч-ғайратни оила ичидаги муносабатларни мустаҳкамлашга сарфланг. Дам олиш кунларини ҳам севимли ва қадрли инсонлар даврасида ўтказинг.