Касб фидойиси
Юнусобод тумани ИИОФМБ 2-сонли ИИБ ҲПБ Ёшлар масалалари бўйича катта инспектор, капитан Нодира Убайдуллаева томонидан М.Ж. исмли қиз ишсизлар рўйхатида бўлганлиги сабабли хонадонига бориб ўрганилди. Унинг ўзини тутиши ва хатти-ҳаракатлари шубҳали кўринди. Суҳбат давомида М.Ж. психотроп модда қабул қилишини тан олди. Шундан сўнг наркология маркази шифокори кўригидан ўтказилиб даволанди ва ишга жойлаштирилди. Ҳозирда меҳнати эвазига жамиятда ўз ўрнини топган.
Шунингдек, яна бир ёш қиз интернет тармоғи орқали йигит билан танишиб қолган. Суратларини йигитга юборган. Йигитча унинг суратларини интернет орқали тарқатиб юбориш ва ота-онасига маълум қилиш билан қўрқитиб пул талаб қилган. Чорасиз қолган қиз шаъни, қадр-қиммати топталгани учун энг сўннги чорани қўллашгача борган. Капитан Н.Убайдуллаева у билан профилактик суҳбат ўтказгани натижасида салбий оқибатнинг олди олинди ва қизнинг ҳаёти сақлаб қолинди.
Капитан Н.Убайдуллаева Самарқанд давлат унверситетини тамомлаган. Ички ишлар органларидаги фаолиятини 2002-йилда бошлаган. Уч нафар фарзанди бор.
Сарвар СОБИРОВ,
ўз мухбиримиз.
Тошкент шаҳри.