Нукус шаҳридаги Ёш томошабинлар театрида Қорақалпоғистон Республикаси ИИВ тизимида хизмат қилаётган ходимлар ва уларнинг оила аъзолари ўртасида “Намунали оила” кўрик-танлови ўтказилди.
Кўрик-танловда жами 22 та оила иштирок этиб, улар дастлаб таништириш шартида рақс, шеър, қўшиқ, халқ ўйинлари ва бошқа ижрочилик маҳоратлари орқали ўз ютуқларини намойиш этишди. Шундан сўнг “Бу менинг оилам” шартида жамиятда тутган ўрни, касби, севимли машғулоти, оилавий муносабатлар, оиладаги анъана ва қадриятларни акс эттирувчи видеоролик тақдимотини ўтказишди. Шунингдек, иштирокчиларнинг қанчалик китобхонлиги синовдан ўтказилди.
Танлов натижасига кўра, 1-ўринга Чимбой тумани ИИБ профилактика инспектори, капитан Бердибай Бекбергенов оиласи муносиб деб топилиб, танловнинг якуний босқичига йўлланмани қўлга киритди. 2-ўринни Чимбой туман ИИБ профилактика инспектори, маёр Азамат Темирбаев, 3-ўринни вазирликнинг ЖҚБ тезкор вакили, лейтенант Юнус Ибрагимов оилалари эгаллади.
Ғолиблар пул мукофоти, диплом ва эсдалик совғалари билан тақдирланди.
Алтинай ҚИДИРБАЕВА,
подполковник.