Қашқадарё вилояти ички ишлар органларида хизмат қилаётган хотин-қизларнинг жанговар шайлиги ва жисмоний тайёргарлигини ошириш мақсадида “Фидойи ходима” кўрик-танловининг вилоят босқичи бўлиб ўтди. Унда иштирокчилардан уларнинг жисмоний тайёргарлик даражасини аниқлаш юзасидан 100 метр масофага югуриш ва комплекс машқларни бажариш, “Макаров” тўппончасини тўлиқсиз қисмларга ажратиш, йиғиш ҳамда амалий ўқ отиш машғулотлари, тест синовлари қабул қилинди.
Якуний натижаларга кўра фахрли 1-ўринни вилоят ИИБ ЖХХ ҲПБ ВЕИҲЁК маркази тарбиячиси, катта сержант Муҳайё Норқулова қўлга киритди. Навбатдаги совринли ўринларни эса Китоб тумани ИИБ ЖХХ ҲПБ ХҚМБ катта инспектори, маёр Дилабза Севинова ва вилоят ИИБ ЖХХ ҲПБ ВЕИҲЁК маркази бошлиғи, маёр Гулмира Турдибоева банд этди.
Ғолиб танловнинг республика босқичида иштирок этади.
Зарина КЕНЖАЕВА,
подполковник.
Қашқадарё вилояти.